ភ្នំពេញ: យុទ្ធនាការ​កីឡា​វាយ​កូនបាល់​ជម្រើស​ជាតិ​យុវជន (National Junior Tennis Tournament) លើក​ទី​២ នឹង​ត្រូវ​រៀបចំ​ឡើង​ចាប់ពី​ថ្ងៃ​នេះ​នៅ​មជ្ឈមណ្ឌល​ជាតិ​ហ្វឹកហ្វឺន ខណៈ​ការ​ចាប់​អារម្មណ៍​ផ្សេងៗ​បាន​ធ្លាក់​ទៅលើ​កីឡាករ​ឈាង វណ្ណាស័ក្តិ ដែល​នឹង​សម្លឹង​រក​ការ​ឈ្នះ​ពាន​រង្វាន់​ឯកត្តជន​ផ្នែក​បុរស​អាយុ​ក្រោម​១៨​ឆ្នាំ​ជា​លើក​ទី​៣​របស់​គេ និង​កីឡាការិនី​ហួរ ស្រីពៅ ដែល​នៅ​តែ​ស្ថិត​ក្នុង​កំណត់ត្រា​មិន​ស្គាល់​ចាញ់​សោះ​ក្នុង​វិញ្ញាសា​ផ្នែក​នារី​អស់​រយៈពេល​១​ឆ្នាំ​មក​ហើយ​។ ព្រឹត្តិការណ៍​រយៈពេល​បី​ថ្ងៃ​មួយ​នេះ នឹង​ធ្វើការ​ប្រកួត​ទៅលើ​វិញ្ញាសា​៦​។