ភ្នំពេញៈ លោក សៅ សុខា ប្រធាន​សហព័ន្ធ​កីឡា​បាល់ទាត់​កម្ពុជា (FFC) បានប្តេជ្ញា​នៅ​ក្នុងមហា​សន្និបាត​សហព័ន្ធ​កីឡា​បាល់ទាត់​កម្ពុជា លើកទី ១០ ឆ្នាំ ២០១៦ នៅ​សណ្ឋាគារ​ភ្នំពេញ កាល​ពីព្រឹក​ថ្ងៃ​ពុធ ​មិញមិញ​ថា លោកនឹង​បន្ត​ប្រឹងប្រែង​ឲ្យ​អស់​ពីកម្លាំងកាយ​ចិត្ត ដើម្បី​ធ្វើ​ឲ្យបាល់ទាត់​កម្ពុជា កាន់តែ​មាន​ភាពល្បីល្បាញ ខណៈ FFC មាន​ការងារ​ត្រូវធ្វើ​កាន់តែច្រើន បើ​ទោះបី​ជា​វិស័យ​មួយ​នេះ កំពុងទទួល​បាន​ការ​គាំទ្រ​ខ្លាំងពី​គ្រប់​មជ្ឈដ្ឋាន​ក៏ដោយ។