ភ្នំពេញៈ ប្រជាជន​ខ្មែរ​គ្រប់រូប​ស្គាល់​ច្បាស់​ថា រុក្ខជាតិ​ត្នោត គឺជា​គ្រឿង​កត់សម្គាល់​នូវ​អត្តសញ្ញាណ​កេរដំណែល​វប្បធម៌​ជាតិ​ខ្មែរ​តាំងពី​ដូនតា​មក ដោយ​វា​មាន​អត្ថប្រយោជន៍​ជាច្រើន​ដែល​អាច​កែច្នៃ​ជា​អាហារ និង​វត្ថុ​ប្រើប្រាស់​ប្រចាំ​ថ្ងៃ​ដូចជា​មួក​ពាក់​ការពារ​កម្តៅ​ថ្ងៃ​របស់​ប្រជាជន​ខ្មែរ​តាំងពី​យូរ​លង់​មក​ហើយ​នៅ​តាម​តំបន់​ស្រែចម្ការ។ មួកត្នោត​ថែម​ទាំង​ជា​គ្រឿង​លម្អកាយ​យ៉ាង​ស្រស់ស្អាត និង​បង្កប់​អត្ថន័យ​ជា​អ្នក​ថែរក្សា​កេរដំណែល​វប្បធម៌​ជាតិ​ខ្មែរ​ទៀត​ផង។