បញ្ហា​ខ្មែរ​កម្ពុជាក្រោម ដែល​រង​ការ​ធ្វើ​ទុក្ខ​បុកម្នេញ​យ៉ាងខ្លាំង ពី​អាជ្ញាធរ​វៀតណាម បាន​ដក់​ជាប់​ជានិច្ច​នៅក្នុង​ដួងចិត្ត​របស់​លោក​ ថាច់ សេដ្ឋា ហើយ​លោក​តែងតែ​ស្រក់​ទឹកភ្នែក​អួល​ដើមក នៅពេល​ដែល​នឹក​ឃើញ​ដល់​ «យួន​ចាប់​អ្នក​ប្រាជ្ញ ឬ​បញ្ញវន្ត​អ្នក​ស្នេហា​ជាតិ​ខ្មែរ​យក​ទៅ​ដាក់​គុក​ធ្វើ​ទារុណកម្ម ឬ​សម្លាប់​» ដោយសារ​តែ​អ្នក​ទាំងនោះ ហ៊ាន​ចេញ​មុខ​ការពារ​ប្រពៃណី​សាសនា​ទំនៀមទម្លាប់​និង​អក្សរសាស្ត្រ​ខ្មែរ​។