ភ្នំពេញៈ បន្ទាប់ពី​​បាន​ចុះ​ទៅ​ធ្វើការ​ស្រាវជ្រាវ និង​ប្រមូល​ទិន្នន័យ​បង្គោល​​ព្រំដែន​នៅ​តាម​​​បណ្តាយ​ព្រំដែន​កម្ពុជា​វៀតណាម​ដែល​មាន​ភាព​ចម្រូង​ចម្រាស​ជិត ១ ឆ្នាំ​រួច​មក​ក្រុម​អ្នក​ស្រាវជ្រាវ​កិច្ចការ​ព្រំដែន​នៅ​រាជបណ្ឌិត្យ​សភា​កម្ពុជា​បាន​រកឃើញ​ថា​វៀតណាម​បាន​បោះ​បង្គោល​​ព្រំដែន​ចូល​​មក​ក្នុង​ទឹកដី​កម្ពុជា​ចន្លោះ​ពី ៥ ទៅ ៥០ ម៉ែត្រ​នៅ​សម័យ​សាធារណរដ្ឋ​ប្រជាមានិត​កម្ពុជា​ក្នុង​ឆ្នាំ ១៩៨៥-១៩៨៧ ​។