ភ្នំពេញៈ ក្រុម​ចលនា​ព្រះ​សង្ឃ និង​ប្រជា​ពលរដ្ឋ​ប្រមាណ ១០០ អង្គ/នាក់ គ្រោង​ធ្វើ​កូដកម្ម​បង្អត់​អាហារ​ពេញ​មួយ​ថ្ងៃ​នៅ​មុខ​ស្ថានទូត​សាធារណ​រដ្ឋ​ប្រជាមានិត​ចិន ប្រចាំ​នៅ កម្ពុជា នៅ​ថ្ងៃ​សៅរ៍​សប្តាហ៍​នេះ ដើម្បី​ទាមទារ​ឲ្យ ប្រទេស​ចិន បញ្ឈប់​ការ​រំលោភ​សិទ្ធិ​ព្រះ​សង្ឃ​ទីបេ និង​ជនជាតិ អ៊ុយហ្គ័រ ព្រម​ទាំង​ស្នើ​ឲ្យ​អន្តរាគមន៍​ទប់​ស្កាត់​ក្រុម​ហ៊ុន ស៊ីណូហាយដ្រូ បញ្ឈប់​គម្រោង​សាង​សង់​ទំនប់​វារី​អគ្គិសនី​នៅ​តំបន់​អារ៉ែង នៅ​ក្នុង ខេត្ត​កោះកុង។