ភ្នំពេញៈ ជម្លោះ​ដីធ្លី និង​ការ​ប្តឹង​ចោទ​ប្រកាន់​ប្រជា​ពលរដ្ឋ ពាក់​ព័ន្ធ​នឹង​បញ្ហា​ជម្លោះ​ដីធ្លី ក្នុង​រយៈ​ពេល ៧ ខែ ឆ្នាំ​២០១៤ នេះ​មាន​ការ​កើន​ឡើង បើ​ប្រៀប​ធៀប​ទៅ​នឹង​រយៈ​ពេល​ដូច​គ្នា​កាល​ពី​ឆ្នាំ​មុន។ នេះ​បើ​តាម​របាយ​ការណ៍​អង្គការ​អាដហុក ដែល​ចេញ​កាល​ពី​ថ្ងៃ​ម្សិល​មិញ​ស្រប​ពេល​ដែល​អាជ្ញាធរ ខេត្ត​ក្រចេះ បាន​ឡើង​មក​ជួប​ប្រជា​ពលរដ្ឋ​រងគ្រោះ ដោយ​សារ​បញ្ហា​ដីធ្លី មក​ពី ឃុំ​ស្នួល ដែល​កំពុង​តែ​ធ្វើ​ការ​តវ៉ា​ទាមទារ​ឲ្យ​មាន​ដំណោះ​ស្រាយ​នៅ​ភ្នំពេញ មួយ​ថ្ងៃ​បន្ទាប់​ពី​មាន​ការ​ស្តី​បន្ទោស​ជា​សាធារណៈ ពី​លោក​នាយក​រដ្ឋ​មន្ត្រី ហ៊ុន សែន។