ភ្នំពេញៈ បាតុករ​រាប់​ពាន់​នាក់ មក​ពី​អង្គការ​សមាគម​ខ្មែរ​កម្ពុជា​ក្រោម និង​សហព័ន្ធ​និស្សិត​បញ្ញវន្ត​កម្ពុជា កាលពី​ម្សិល​មិញ​បាន​ដង្ហែ​ញត្តិ​តវ៉ា​ជា​ថ្មី​ទៀត​ទាម​ទារ​ឲ្យ​រដ្ឋាភិបាល វៀតណាម សុំទោស ឬ​ទទួល​ស្គាល់​ជា​លាយ​លក្ខណ៍​អក្សរ​ថា ទឹក​ដី​ខ្មែរ​កម្ពុជា​ក្រោម ជា​អតីត​ទឹក​ដី​ខ្មែរ ប៉ុន្តែ​ពេញ​មួយ​ថ្ងៃ ពុំ​មាន​មន្ត្រី​ស្ថានទូត វៀតណាម ណា​ម្នាក់​ចេញ​មក​ទទួល​ញត្តិ​ទេ។ ប៉ុន្តែ​ស្ថានទូត បារាំង អង់គ្លេស អាមេរិក រុស្ស៊ី ចិន និង​សហគមន៍​អឺរ៉ុប បាន​ទទួល​យក​ញត្តិ​ពី​ក្រុម​បាតុករ។