ភ្នំពេញៈ លោក ហ៊ុយ វណ្ណៈ អាយុ ៤០​ឆ្នាំ អគ្គ​នាយក​រង​ស្ថានីយ​ទូរទស្សន៍ CNC ត្រូវ​តំណាង​អយ្យការ​អម​សាលា​ដំបូង​រាជធានី​កោះ​ហៅ​កាល​ពី​ព្រឹក​ម្សិល​មិញ ដើម្បី​ឆ្លើយ​បំភ្លឺ​លើ​បណ្តឹង​របស់​លោក រស់ ឌីណា អាយុ ៤២​ឆ្នាំ ជា​ប្រធាន​ផ្នែក​ផែនការ​និង​ចាត់​តាំង​ព័ត៌មាន ទូរទស្សន៍ CTN-MyTV ដែល​ប្តឹង​ចោទ​ពី​បទ «បរិហារកេរ្តិ៍​ជេរ​ប្រមាថ​និង​ប៉ុន​ប៉ង​មនុស្ស​ឃាត​ដោយ​ចេតនា» នៅ​ក្នុង​អគារ​ស្ថានីយ​ទូរទស្សន៍ CNC នៅ​ផ្លូវ​ជាតិ​លេខ ៥ ក្នុង ភូមិ​ក្រោល​គោ សង្កាត់​គីឡូម៉ែត្រ​លេខ ៦ ខណ្ឌ​ឫស្សីកែវ កាល​ពី​ថ្ងៃ ២៧ ខែ​មិថុនា។