ភ្នំពេញៈ ក្រោយ​ជំនួប​ចចារ​ជាមួយ​អាជ្ញាធរ​រាជធានី​ភ្នំពេញ អង្គការ​សមាគម​ខ្មែរ​កម្ពុជា​ក្រោម និង សម្ព័ន្ធ​និសិត្យ​បញ្ញ​វន្ត​កម្ពុជា បាន​បន្ទន់​ឥរិយាបទ​របស់​ខ្លួន ដោយ​យល់​ព្រម​ប្រគល់​ញាត្តិ​ស្នើ​សុំ​ឲ្យ​រដ្ឋាភិបាល​វៀតណាម​សូម​ទោស​ជា​សាធារណៈ ចំពោះ​សេចក្ដី​ថ្លែង​ដែល​មាន​ចេតនា​បំភ្លៃ​ប្រវត្តិ​សាស្ត្រ ក្នុង​ន័យ​អុជអាល​ភ្លើង​កំហឹង​ជាតិ​សាសន៍​ទាំង​ពីរ​នោះ​ ទៅ​អាជ្ញាធរ​រាជធានី​ភ្នំពេញ ដើម្បី​នាំ​យក​ទៅ​ជូន​រដ្ឋ​មន្ត្រី​ក្រសយង​ការបរទេស​កម្ពុជា ជួយ​អន្តរាគមន៍​ទៅ​ក្រសួង​ការបទេស​​វៀតណាម និង​ជំរុញ​ឲ្យ​មាន​ការ​ឆ្លើយ​តបពី​រដ្ឋាភិបាល​ក្រុង​ហាណូយ។ នេះបើ​យោង​តាម​ការ​ប្រាប់​ឲ្យ​ដឹង​ពី​លោក ម៉ៅ ពិសេស មេដឹក​នាំ​សម្ព័ន្ធ​និសិត្យ​បញ្ញវន្ត​កម្ពុជានៅ​ប៉ុន្មាន​នាទី​មុន​នេះ។