ភ្នំពេញៈ មុន​ចូល​ប្រជុំ​ពេញ​អង្គ​រដ្ឋសភា​នៅ​ព្រឹក​ថ្ងៃ​ពុធ​នេះ លោក សម រង្ស៊ី ប្រធាន​គណបក្ស​សង្រ្គោះ​ជាតិ​បាន​ជួប​ពិភាក្សា​បិទ​ទ្វារ​ជាមួយ​នឹង​លោក​នាយក​រដ្ឋ​មន្ត្រី ហ៊ុន សែន លើក​ឡើង​ពី​ស្ថានភាព​នយោបាយ ជា​ពិសេស​ពី​បញ្ហា​ចាប់​ខ្លួន​សកម្មជន​គណបក្ស​សង្រ្គោះ​ជាតិ​បន្ថែម កាល​ពី​ពេល​ថ្មីៗ​នេះ ខណៈ​ដែល​យុវជន​ម្នាក់​​ក្នុង​ចំណោម​បី​នាក់ ដែល​រង​ការ​ចោទ​ប្រកាន់​ពាក់ព័ន្ធ​នឹង​ករណី​ផ្ទុះ​អំពើ​ហិង្សា នៅ​ក្បែរ​ទី​លាន​ប្រជា​ធិប​តេយ្យ​កាល​ពី​ខែ​កក្កដា ត្រូវ​បាន​តុលាការ​កោះ​ហៅ​សាក​សួរ​ជា​ថ្មី​នៅ​ថ្ងៃ​នេះ​ផង​ដែរ។