ភ្នំពេញៈ ធនាគារ​អភិវឌ្ឍន៍​អាស៊ី​(ADB) បាន​អនុម័ត​លើ​កម្ចី​ចំនួន ១៨ លាន​ដុល្លារ សម្រាប់​សាង​សង់​ចំណត​កំពង់ផែ​ទេសចរណ៍ និង​ហេដ្ឋា​រចនា​សម្ព័ន្ធ​មួយ​ចំនួន​ទៀត នៅ​ខេត្ត​កំពត ដើម្បី​បង្កើត​ឱ្យ​មាន​ឱកាស​ថ្មីៗ​សម្រាប់​វិស័យ​ទេសចរណ៍ បន្ថែម​ពី​លើ​ទិស​ដៅ​ទេសចរណ៍ ដែល​កំពុង​ពេញ​និយម នា​ពេល​បច្ចុប្បន្ន ដូចជា ប្រាសាទ​អង្គរវត្ដ​ដ៏​ល្បីល្បាញ​ជា​ដើម។ នេះ​បើ​យោង​តាម​សេចក្តី​ប្រកាស​ព័ត៌មាន​របស់​ធនាគារ ADB ដែល​ភ្នំពេញ ប៉ុស្តិ៍​ទើប​ទទួល​បាន​នៅ​រសៀល​នេះ។