រដូវ​កឋិនទាន​ចូល​មក​ដល់​ហើយ សំឡេង​ស្គរ​ឆៃយ៉ាំ​ក៏​ឮ​សូរ​ដូច​ជា​ថា៖ «ចាស់​ឡើង​ព្រើល​ឡើងៗ ចាស់​ឡើង​ព្រើល​ឡើងៗ ព្រើល​ឡើងៗៗៗ»។ នេះ​គឺ​ឃ្លា​ដែល​ត្រូវ​បាន​គេ​តែង​តែ​លើក​មក​ចំអក​ទៅ​បុរសៗ​ដែល​មាន​វ័យ​ចំណាស់​ហើយ​មួយ​ចំនួន ខិល​ខូច​មាន​ប្រពន្ធ​ហើយ​ទៅ​លប​លួច​មាន​ស្រី​ស្នេហ៍​ខាង​ក្រៅ​ទៀត បាន​ជា​គេ​លើក​ឡើង​ដូច​នេះ ដែល​កាល​ពី​សម័យ​សង្គ្រាម និង​បន្ទាប់​ពី​សង្គ្រាម​ភ្លាមៗ ម្នាក់ៗ​អត់​ឃ្លាន​គឺ​ធ្វើ​យ៉ាង​ណា​ឲ្យ​តែ​បាន​ម្ហូប​អាហារ​ហូប​ដើម្បី​បំពេញ​ក្រពះ​យក​រស់​សិន។