កម្ពុជា​កាល​ពី​សម័យ​បុរាណ ឃើញ​ថា ប្រជា​ពលរដ្ឋ​មាន​និស្ស័យ​ល្អ និង​មាន​សីលធម៌​ខ្ពស់ ដែល​អាច​សម្គាល់​បាន​ថា​ប្រជាជាតិ​នេះ​ជា​អម្បូរ​មនុស្ស​មាន​សីលធម៌ បែប​រម្យទម ប៉ុន្តែ​សីលធម៌​របស់​ប្រជាជន​កម្ពុជា​សម័យ​បច្ចុប្បន្ន បាន​ខិត​ចូល​ដល់​កម្រិត​ដែល​ស្ទើរ​តែ​មិន​អាច​និយាយ​បាន (សូន្យ) នេះ​ក៏​ដោយ​សារ​តែ​ការ​ហូរ​ចូល​នៃ​វប្បធម៌​បរទេស។ ដូច​នេះ​ហើយ​ដើម្បី​ឲ្យ​កម្ពុជា ក្លាយ​ជា​ប្រទេស​មួយ​ដែល​ធ្លាប់​មាន​អរិយធម៌​ខ្ពស់ និង​អាច​រក្សា​បាន​នូវ​តម្លៃ​មនុស្ស​ល្អ​ត្រូវ​នាំ​គ្នា​បណ្ដុះ​នូវ​និស្ស័យ​ល្អ​ដល់​ប្រជាជាតិ​យើង។