តាម​រយៈ​សារ​ព័ត៌មាន​ជា​ភាសា​អង់គ្លេស​ក្នុង​ស្រុក​មួយ ដែល​បាន​បោះ​ផ្សាយ​កាល​ពី​ថ្ងៃ​ពុធ ទី៣ ខែ​កញ្ញា កន្លង​ទៅ​សាលា​ក្រុង​ភ្នំពេញ បាន​ប្រកាស​ថា នឹង​មាន​វិធាន​ការ​វាយ​កម្ទេច អគារ​ប៊ុលឌីង ចោល។ ប៉ុន្តែ​តាម​រយៈ​អត្ថបទ​មួយ​ទៀត​នៃ​សារ​ព័ត៌មាន​ដដែល​នោះ ដែល​បាន​បោះ​ផ្សាយ​កាល​ពី​ថ្ងៃ​សុក្រ ទី៥ កញ្ញា សាលា​ក្រុង​បាន​ដក​ពាក្យ​សម្តី​វិញ​ដោយ​ថា សាលា​ក្រុង​គ្មាន​គម្រោង​កម្ទេច​អគារ ប៊ុលឌីង ទេ ប៉ុន្តែ​នៅ​តែ​អះអាង​ថា អគារ​នេះ​មិន​មាន​សុវត្ថិភាព​សម្រាប់​ស្នាក់​នៅ​ទៀត​ឡើយ។