ភ្នំពេញៈ សាលា​ដំបូង​រាជធានី​ភ្នំពេញ កាលពី​ព្រឹក​ថ្ងៃទី ៣១ ខែ​កក្កដា បាន​ប្រកាស​សាលក្រម​ផ្តន្តាទោស​ជនជាប់​ចោទ​ជា​អ្នក​ទេសចរ​បរទេស​២នាក់ រួម​មាន​ជនជាតិ​ហូឡង់​ម្នាក់​និង​ជនជាតិ​អាមេរិកាំង ម្នាក់ សម្រេច​ដាក់​ពន្ធនាគារ​១ឆ្នាំ​ម្នាក់ និង​ឲ្យ​រួម​គ្នា​បង់ប្រាក់​សំណង១ ៩៦៣ ដុល្លារ​អាមេរិក​ទៅ​ដើម​បណ្តឹង និង​ត្រូវ បណ្តេញ​ចេញ​ពី​ប្រទេស​កម្ពុជា​ភ្លាម​បន្ទាប់​ពី​អនុវត្ត​ទោស​ក្នុង​ពន្ធនាគារ​រួច​ជា​ស្ថាពរ ក្រោម​ការ​ចោទ​ប្រកាន់​ពី​បទ«លួច» បារី​ចំនួន​១៧០​សុង ពី​ហាង​ក្នុង​ផ្សារ​ទំនើប​ផារ៉ាហ្កន នៅ​រាជធានី​ភ្នំពេញ កាលពី​ខែ​កុម្ភៈ និង​ខែ​មីនា​កន្លង​ទៅ។