ភ្នំពេញៈ ការ​ធ្វើ​អាជីវកម្ម​ធំៗ​បាន​បង្ហាញ​ពី​សញ្ញា​ធូរ​ស្រាល បន្ទាប់​ពី​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ បាន​ព្រម​ព្រៀង​បញ្ចប់​ជម្លោះ​នយោបាយ​រយៈ​ពេល​មួយ​ឆ្នាំ​មក។ ខណៈ​អ្នក​វិភាគ និង​តំណាង​វិស័យ​ឯកជន​ជាច្រើន​នៅ​ពេល​នេះ​កំពុង​រំពឹង​ថា នឹង​មាន​ការ​កើន​ឡើង​នៅ​ក្នុង​ការ​វិនិយោគ​បរទេស​នៅ​កម្ពុជា លោក Bretton Sciaroni ប្រធាន​សភា​ពាណិជ្ជកម្ម​អាមេរិក​ថ្លែង​ថា នៅ​ពេល​នេះ​គួរ​តែ​ផោ្ដត​លើ​ច្បាប់ និង​ការ​កែ​ទម្រង់​តុលាការ​ក្នុង​ការ​កែ​លម្អ​កម្ពុជា​ជា​កន្លែង​មួយ​ដើម្បី​ធ្វើ​ពាណិជ្ជកម្ម។