កាលពីថ្ងៃទី៥ ខែមេសា ឆ្នាំ២០២៤ ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ បានរៀបចំកម្មវិធីប្រគល់រង្វាន់ជូនអតិថិជន ដែលមានសំណាងក្លាយជាម្ចាស់រង្វាន់ ម៉ូតូ Honda Dream ២០២៤ ចំនួន ១រង្វាន់, ខ្សែកមាសទម្ងន់ ២ជី ចំនួន១រង្វាន់, ម៉ាស៊ីនបោកគក់សម្លៀកបំពាក់ ចំនួន ២រង្វាន់, ទូរទស្សន៍ ៤៣អ៊ីង ចំនួន២រង្វាន់, កង្ហារត្រជាក់បញ្ឈរ ចំនួន ២រង្វាន់, និងឆ្នាំងដាំបាយអគ្គិសនី ចំនួន ២រង្វាន់ អំឡុងពេលចាប់រង្វាន់លើកទី២ សម្រាប់ចំពោះអតិថិជនដែលបានទិញផលិតផល "SMILE រីករាយសន្សំ” របស់ក្រុមហ៊ុន សុវណ្ណាភូមិ ឡាយហ្វ៍ នៅគ្រប់សាខាធនាគារ ហត្ថា ទូទាំងប្រទេស ចាប់ពីថ្ងៃទី១៥ ខែសីហា រហូតដល់ថ្ងៃទី៣១ ខែធ្នូ ឆ្នាំ ២០២៣។
កម្មវិធីប្រគល់រង្វាន់នេះ ត្រូវបានរៀបចំឡើង បន្ទាប់ពីការចាប់រង្វាន់ដ៏អស្ចារ្យ ដោយប្រើប្រព័ន្ធជ្រើសរើសស្វ័យប្រវត្តិ ប្រកបដោយតម្លាភាព សុក្រឹតភាព និងបានធ្វើការផ្សាយផ្ទាល់នៅលើទំព័រហ្វេសប៊ុកផ្លូវការ «Sovannaphum Life» កាលពីថ្ងៃទី១៩ ខែមករា ឆ្នាំ២០២៤ កន្លងទៅ។
អតិថិជន ឈ្មោះ ហិល ឡៃហ៊ាង ជាអ្នកឈ្នះរង្វាន់ ម៉ូតូ Honda Dream ២០២៤ ដែលមានទីលំនៅបច្ចុប្បន្នក្នុងខេត្តពោធិ៍សាត់ បានបង្ហាញចំណាប់អារម្មណ៍ថា៖ «ខ្ញុំពិតជាមានសេចក្តីសោមនស្សរីករាយយ៉ាងក្រៃលែង និងស្ទើរតែមិនជឿ ក្នុងឱកាសឈ្នះរង្វាន់ដ៏ធំពីសុវណ្ណាភូមិ ឡាយហ្វ៍ តាមរយៈការទិញផលិតផល SMILE រីករាយសន្សំ»។
បន្ថែមលើសពីនេះ លោកស្រីបានបន្តទៀតថា៖ «ការផ្តល់រង្វាន់នេះ គឺពិតជាការផ្តល់ជូនប្រកបដោយតម្លាភាព សុក្រឹតភាព និងមិនលម្អៀងឡើយសម្រាប់ខ្ញុំ និងអ្នកឈ្នះរង្វាន់ផ្សេងៗទៀត»។
អតិថិជន ឈ្មោះ ម៉ាត់ ស្រីមុំ ជាអ្នកឈ្នះរង្វាន់ ខ្សែកមាស ដែលមានទីលំនៅបច្ចុប្បន្នក្នុងខេត្តកណ្តាល បានបង្ហាញពីចំណាប់អារម្មណ៍ថា៖ «ខ្ញុំពិតជារំភើប និងមិនអាចបំភ្លេចបានចំពោះការឈ្នះរង្វាន់នេះ ហើយការផ្តល់ជូនរង្វាន់នេះ គឺជាការពិតប្រាកដមែន ឥតក្លែងបន្លំឡើយ»។
លោកស្រីបានបន្តទៀតថា៖ «ការទិញនេះ មិនមែនបានត្រឹមតែឱកាសឈ្នះរង្វាន់នោះទេ គឺបានទាំងសុវត្ថិភាពផ្នែកហិរញ្ញវត្ថុថែមទៀតផង»។
អ្នកនាង Lim Chern Chern នាយកគ្រប់គ្រងជាន់ខ្ពស់ផ្នែកប៊ែងកាសួរេន និងជាតំណាងឱ្យ សុវណ្ណាភូមិ ឡាយហ្វ៍ បានមានប្រសាសន៍ថា៖ «ការផ្តល់ជូនរង្វាន់យ៉ាងច្រើនសន្ធឹកសន្ធាប់នេះ គឺធ្វើឡើងដើម្បីអរគុណដល់អតិថិជន ក៏ដូចជា ប្រជាពលរដ្ឋកម្ពុជាទាំងអស់ដែលតែងតែគាំទ្រផលិតផលរបស់យើង»។ បន្ថែមលើសពីនេះ «សុវណ្ណាភូមិ ឡាយហ្វ៍ តែងតែយល់ច្បាស់អំពីតម្រូវការជាក់ស្តែងរបស់ប្រជាពលរដ្ឋកម្ពុជា និងបានផ្តល់ជូននូវសុវត្ថិភាពផ្លូវចិត្ត និង ការការពារហិរញ្ញវត្ថុដល់ក្រុមគ្រួសារកម្ពុជា»។
អ្នកនាងបានថ្លែងបន្តទៀតថា៖ «ជាថ្មីម្តងទៀត យើងខ្ញុំសូមចូលរួមអបអរសាទរចំពោះអតិថិជនរបស់សុវណ្ណាភូមិ ឡាយហ្វ៍ ដែលបានទិញផលិតផល SMILE រីករាយសន្សំ តាមរយៈសាខានៃធនាគារ ហត្ថា ទូទាំងប្រទេស ដែលមានសំណាងឈ្នះរង្វាន់ ក្នុងកម្មវិធីចាប់រង្វាន់ដែលបានរៀបចំឡើងទាំង ២ លើក កន្លងមកនេះ ព្រមទាំងសូមជូនពរប្រជាពលរដ្ឋកម្ពុជាទាំងអស់ឱ្យមានសុខសុវត្ថិភាព សុខភាពល្អ និង ជោគជ័យគ្រប់ភារកិច្ចការងារ»។
អំពីក្រុមហ៊ុនធានារ៉ាប់រងអាយុជីវិតសុវណ្ណាភូមិ ឡាយហ្វ៍ អឹសួរ៉ិនស៍ ភីអិលស៊ី៖
ក្រុមហ៊ុន សុវណ្ណាភូមិ ឡាយហ្វ៍ អឹសួរ៉ិនស៍ ភីអិលស៊ី គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន កាណាឌីយ៉ា អ៊ិនវេសមេន ហូលឌីង ដែលមានទ្រព្យសម្បត្តិសរុបជាង ៨.៨ ពាន់លានដុល្លារអាមេរិក និងជាកេរ្តិ៍ដំណែលតាំងពីឆ្នាំ ១៩៩១។
សុវណ្ណាភូមិ ឡាយហ្វ៍ ជាក្រុមហ៊ុនដែលមានមូលដ្ឋានហិរញ្ញវត្ថុរឹងមាំ និងទំនុកចិត្តព្រមទាំងទទួលបានពានរង្វាន់ ៤ ឆ្នាំជាប់គ្នា ជាក្រុមហ៊ុនធានារ៉ាប់រងអាយុជីវិតរីកចម្រើនលឿនបំផុតនៅកម្ពុជាក្នុងឆ្នាំ ២០១៨, ២០១៩, ២០២០ និង ២០២១ ផ្តល់ដោយក្រុមហ៊ុន The Global Banking and Finance Review ដែលមានទីស្នាក់ការកណ្តាលនៅទីក្រុងឡុងដ៍ នៃចក្រភពអង់គ្លេស និងពានរង្វាន់ក្រុមហ៊ុនធានារ៉ាប់រងអាយុជីវិតដែលមានភាពច្នៃប្រឌិតជាងគេនៅកម្ពុជាឆ្នាំ ២០២១ ផ្តល់ដោយ International Business Magazine ដែលមានទីស្នាក់ការនៅសហព័ន្ធអារ៉ាប់រួម៕