លោក​អ្នក​ប្រាកដ​ជា​បាន​ជ្រាប​ហើយ​ពី​ព័ត៌មាន​នានា​ដែល​ទាក់ទង​នឹង​ប្រទេស​អ៊ីស្រាអែល ពិសេស​ជម្លោះ​ក្នុង​តំបន់​ហ្គាហ្សា​ជា​រៀងរាល់​ថ្ងៃ។ តាមរយៈ​ព័ត៌មាន​ទាំងនោះ មនុស្ស​មួយ​ចំនួន​ប្រាកដ​ជា​មាន​អារម្មណ៍​ថា តំបន់​នោះ​មិនមែន​ជា​តំបន់​ដែល​គួរ​ឲ្យ​ចង់​ទៅ​នោះ​ទេ។ ប៉ុន្តែ និស្សិត​កម្ពុជា​មួយ​ក្រុម​ហាក់​មិន​សូវ​បារម្ភ​ពី​បញ្ហា​នេះ​ប៉ុន្មាន​ទេ។ ពួកគេ​ត្រូវ​បាន​បញ្ជូន​ឲ្យ​ទៅ​ហ្វឹកហាត់​ការងារ​នៅ​ប្រទេស​អ៊ីស្រាអែល​ក្នុង​ផ្នែក​កសិកម្ម​តាមរយៈ​កម្មវិធី Agrostudies Internship Program។