ជា​កូន​តែ​ម្នាក់​គត់​ដែល​បាន​រៀន​ចប់​ថ្នាក់​វិទ្យាល័យ​នៅក្នុង​ចំណោម​បងប្អូន​៧​នាក់​ទៀត​ក្នុង​គ្រួសារ​កសិករ​មួយ​ក្នុង​ខេត្ត​តាកែវ លោក ញ៉ែម ខែត ធ្លាប់​បាន​បោះបង់​ចោល​ការ​សិក្សា​ម្តង​ហើយ​ដើម្បី​ទៅ​ធ្វើ​ស្រែ ដោយសារ​គ្មាន​លុយ​ទៅ​រៀន​នៅ​សាកលវិទ្យាល័យ។ ប៉ុន្តែ​ក្រោយមក ដោយសារ​ការ​ជ្រោមជ្រែង​លើក​ទឹកចិត្ត​ពី​ឪពុកម្តាយ និង​មិត្ដភក្ដិ យុវជន​រូប​នេះ​បាន​បន្ត​ការ​សិក្សា​រហូត​បាន​ក្លាយ​ជា​គ្រូបង្រៀន​ទស្សនវិជ្ជា​មួយ​រូប​ក្នុង​ឆ្នាំ​២០០៩។