សិល្បៈ​បុរាណ​ខ្មែរ​ជា​សិល្បៈ​ដែល​ឆ្លុះបញ្ចាំង​ពី​អត្តសញ្ញាណ​ជាតិខ្មែរ និង​ធ្លាប់​ទទួល​បាន​ការ​គាំទ្រ​យ៉ាងខ្លាំង ក្នុង​ទសវត្សរ៍​ទី​៦០ ប៉ុន្តែ​រហូត​មក​ដល់​ពេល​បច្ចុប្បន្ន​នេះ​ហាក់​បី​ដូចជា ត្រូវ​បាន​ព្រងើយកន្តើយ និង យក​ចិត្ត​ទុកដាក់​ទៅវិញ។ នេះ​ជា​ការ​ព្រួយបារម្ភ​របស់​អ្នកគ្រូ​របាំ​មួយ​រូប គឺ អ្នកស្រី អ៊ុយ លតាវណ្ណ អ្នកជំនាញ​របាំ​ខ្មែរ។ អ្នកគ្រូ​ថា៖ «មិន​ត្រឹមតែ សិល្បៈ​យីកេ​ទេ សូម្បីតែ​សិល្បៈ​ខ្មែរ​បុរាណ ក៏​មិន​សូវ​មាន​ការ​គាំទ្រ​ដែរ ដោយសារ​តែ​មាន​ការ​វាយលុក​ខ្លាំង​ពី​វប្បធម៌​បរទេស និង​ខ្វះខាត​ការ​ផ្សព្វផ្សាយ​ជាពិសេស​តាម​ប៉ុស្តិ៍​ទូរទស្សន៍​នានា ដោយសារ​មិន​មាន​អ្នក​ឧបត្ថម្ភ​ទៅលើ​កម្មវិធី​សិល្បៈ​បុរាណ​ខ្មែរ»។