ប្រទេស​កម្ពុជា នឹង​មាន​រៀបចំ​ទិវាយោគៈ​អន្តរជាតិ​ជា​ផ្លូវ​ការ លើក​ដំបូង​របស់​ខ្លួន​នៅ​ថ្ងៃទី​២១ ខែ​មិថុនា ខាង​មុខ​នេះ ដោយ​មាន​កិច្ច​សហប្រតិបត្តិការ​រវាង​ក្រសួង​ទេសចរណ៍​កម្ពុជា និង​ស្ថាន​ទូត​ឥណ្ឌា ប្រចាំ​ព្រះរាជាណាចក្រ​កម្ពុជា ហើយ​ក្រុមហ៊ុន​ទូរស័ព្ទ​ចល័ត​ស្មាត ជា​អ្នក​ចូល​រួម​គាំទ្រ​នៅ​ក្នុង កម្មវិធី​នេះ​ផង​ដែរ។ យោគៈ គឺជា វិធីសាស្ត្រ​នៃ​ការ​ហាត់​ប្រាណ​តាម​លក្ខណៈ​ធម្មជាតិ ដោយ​ការ​ហ្វឹកហាត់​ចលនា​កាយ​សម្បទា គ្រប់គ្រង​អារម្មណ៍ និង បញ្ញា​ស្មារតី​ផ្នែក​ខួរ​ក្បាល​ជាមួយ​នឹង​បរិស្ថាន​នៅ​ជុំវិញ​ខ្លួន​មនុស្ស​គ្រប់ៗ​រូប​ប្រកប​ដោយ​ភាព​សុខដុម​នីយកម្ម។