ប្រព័ន្ធ Intelligent Auto Headlights ជាមួយប្រព័ន្ធ Front Lighting System ៖ ចង្កៀងមុខនឹងបើកដោយស្វ័យប្រវត្តិ នៅពេលអាកាសធាតុប្រែជាងងឹត ដូចជាពេលព្រលប់ជាដើម។
ប្រព័ន្ធ Intelligent Forward Collision Warning៖ វាជាឧបករណ៍សេនស័រត្រូវបានដំឡើងនៅខាងមុខរថយន្ត អាចធ្វើការវិភាគកម្រិតល្បឿន និងចម្ងាយរថយន្តនៅខាងមុខ។ នៅពេលដែលប្រព័ន្ធចាប់បានសញ្ញាហានិភ័យណាមួយ នោះវានឹងជូនដំណឹងដល់អ្នកបើកបរដោយមានសញ្ញាតាមអេក្រង់ និងសំឡេង។
ប្រព័ន្ធ Blind Spot Warning (BSW)៖ ប្រព័ន្ធនេះជួយចាប់សញ្ញារថយន្តដទៃនៅគន្លងអមសងខាងអ្នក (ខាងឆ្វេង និងស្ដាំ) ដែលអ្នកបើកបរមើលមិនឃើញ។ ប្រព័ន្ធ BSW នេះផ្តល់ឱ្យអ្នកបើកបរនូវសញ្ញាព្រមានតាមរយៈពន្លឺ (indicator light) នៅជាប់នឹងសសរទ្វារ។
ប្រព័ន្ធ Intelligent Blind Spot Intervention® (i-BSI)៖ ប្រព័ន្ធនេះជួយមើលស្ថានភាពរថយន្តនៅលើគន្លងផ្លូវអមសងខាង (ខាងឆ្វេង ឬស្តាំ) ហើយវានឹងបញ្ជួនសញ្ញាព្រមានមកកាន់អ្នកបើកបរតាមរយៈអេក្រង់ Advanced Drive Assist Display (ADAD)។
ប្រព័ន្ធ Lane Departure Warning (LDW)៖ នៅពេលរថយន្តរបស់លោកអ្នកកំពុងងាកចេញពីគន្លងផ្លូវប្រព័ន្ធនេះនឹងផ្តល់សញ្ញាព្រមានជារូបភាព និងសំឡេងឲ្យលោកអ្នកបានដឹង។ ចំពោះប្រព័ន្ធ Intelligent Lane Departure Intervention (i-LI) ជួយឲ្យរថយន្តរបស់លោកអ្នកបើកបរត្រង់គន្លងផ្លូវ។ បើរថយន្តបើកងាកចេញពីគន្លងផ្លូវប្រព័ន្ធនេះនឹងបង្កើតកម្លាំងបង្វែរជួយអ្នកបើកបរឲ្យងាកមកគន្លងផ្លូវរបស់ខ្លួនវិញ។
ប្រព័ន្ធ Intelligent Emergency Braking (i-EB) ជាមួយនឹងប្រព័ន្ធ Pedestrian Detection៖ នៅពេលដែលប្រព័ន្ធនេះរកឃើញថាមានគ្រោះថ្នាក់ ឬការប៉ះទង្គិចជាមួយរថយន្ត ឬអ្នកថ្មើរជើងនៅខាងមុខ នោះវានឹងឱ្យសញ្ញាមកអ្នកបើកបរឲ្យដឹងតាមរយៈសញ្ញាព្រមានជារូបភាព ឬសំឡេង។ ប្រសិនបើអ្នកបើកមិនអាចបន្ថយល្បឿនបានទាន់ពេលវេលានោះវានឹងប្រើប្រព័ន្ធ ហ្វ្រាំងបន្ទាន់ និងបន្ថយល្បឿនដើម្បីកាត់បន្ថយការប៉ះទង្គិចធ្ងន់ធ្ងរ។
ប្រព័ន្ធ Rear Cross Traffic Alert (RCTA)៖ នៅពេលលោកអ្នកចង់បើករថយន្តចេញពីចំណត ប្រព័ន្ធពិសេសនេះនឹងបញ្ចេញសញ្ញាព្រមានប្រាប់ឲ្យដឹងប្រសិនបើមានរថយន្តណាផ្សេងកំពុងបើកបរឆ្លងកាត់។ វានឹងបញ្ចេញសញ្ញាព្រមាន តាមរយៈរូបភាព ឬសំឡេង។
ប្រព័ន្ធ Intelligent Rearview Mirror (i-RVM)៖ បំពាក់ដោយកាមេរ៉ាមានគុណភាពខ្ពស់ដែលប្រើម៉ូនីទ័រ LCD ដែលបង្ហាញរូបភាពនៅខាងក្រោយរថយន្តដោយផ្ទាល់ចេញពីកាមេរ៉ាខាងក្រោយ ចូលទៅកញ្ចក់សម្រាប់មើលក្រោយ។
ប្រព័ន្ធ Hill Start Assist ៖ វាជាប្រព័ន្ធជំនួយពេលឡើងចំណោត ការពាររថយន្តមិនឲ្យរអិលថយក្រោយ ឬនៅទីជម្រាល។ Hill Descent Control (HDC) នេះជាប្រព័ន្ធជំនួយពេលចុះចំណោត ដែលជួយគ្រប់គ្រងល្បឿនរថយន្តនៅពេលចុះចំណោត។ ដូច្នេះអ្នកបើកបរអាចផ្តោតអារម្មណ៍ទៅលើការកាច់ចង្កូតរថយន្តបានត្រឹមត្រូវ។
ប្រព័ន្ធ Intelligent Trace Control (ITC)៖ ប្រព័ន្ធនេះជួយឱ្យអ្នកបើកបររក្សាការគ្រប់គ្រងរថយន្តបានយ៉ាងមានប្រសិទ្ធភាពនៅពេលបើកបរលើផ្លូវកោង ដោយការចាប់ហ្វ្រាំងស្វ័យប្រវត្តិទៅលើកង់នីមួយៗ ។
ប្រព័ន្ធ Rear Differential Locking (RDL)៖ ផ្តល់ឱ្យអ្នកបើកបរនូវទំនុកចិត្តខ្ពស់ ពេលបើកបរលើផ្លូវពិបាក និងមុខងារសុវត្ថិភាព no-wheel-spin នៅលើផ្ទៃខុសៗគ្នា ដោយវាចាក់សោ ការបង្វិលកង់ក្រោយឲ្យដំណើរការជាសមាសភាគតែមួយ។
ប្រព័ន្ធ Intelligent 4x4 (i4x4) Mode Rotor Switch ជាមួយ Electronic Locking Rear Differential៖ ប្រព័ន្ធនេះផ្តល់នូវការគាំទ្របន្ថែម ដើម្បីគ្រប់គ្រងស្ថានភាពណាមួយដោយគ្រាន់តែចុចប៊ូតុងប៉ុណ្ណោះ។ ជាមួយមុខងារ Shift-on-the-Fly គឺអ្នកបើកបរអាចប្តូរពីប៉ុង ១(2H) ទៅប៉ុង ២ (4H) ដើម្បីសុវត្ថិភាពពេលបើកបរលើផ្លូវធម្មតា និងផ្លូវរអិល។ ចំណែកឯមុខងារ low range four-wheel drive (4LO) សម្រាប់បើកបរលើផ្លូវមានខ្សាច់ជ្រៅៗ ផ្លូវភក់ បើកកាត់ទឹក បើកលើផ្លូវមានថ្ម ឬសម្រាប់ពេលចុះ និងឡើងទួលជាដើម។
Electronic Brake-force Distribution (EBD) ប្រព័ន្ធបែងចែកកម្លាំង សម្ពាធ ហ្វ្រាំង៖ ជួយគ្រប់គ្រងហ្វ្រាំងកង់ក្រោយ ជួយគ្រប់គ្រងការចែកចាយកម្លាំងហ្វ្រាំងទៅកង់ខាងមុខ និងក្រោយ ផ្អែកលើការដឹកអ្នកដំណើរ ឬអីវ៉ាន់។ ប្រព័ន្ធ EBD នេះជួយនៅពេលចាប់ហ្វ្រាំង មិនថានៅពេលរថយន្តផ្ទុកទម្ងន់ស្រាល ឬធ្ងន់នោះទេ។
កៅអីគ្មានទំនាញ Zero-Gravity Seats៖ ជាកៅអីដែលមានទ្រង់ទ្រាយពិសេស ជួយផ្តល់ផាសុកភាពដល់ត្រគាករបស់លោកអ្នករហូតដល់ស្មា។ វាត្រូវបានរចនាឡើងដើម្បីជួយសម្រួលដល់ចលនាឈាមរត់ ផ្តល់ថាមពល និងកាត់បន្ថយការចុករោយសាច់ដុំ ក៏ដូចជាកាត់បន្ថយភាពហត់នឿយ នៅពេលបើកបរផ្លូវឆ្ងាយ។
 |
រថយន្ត Navara Premium Plus បំពាក់ដោយប្រព័ន្ធ i-AVM, MOD, RDL, i4x4, HSA, HDC, ITC, EBD, Zero-Gravity Seats |
|---|---|
 |
រថយន្ត Terra បំពាក់ដោយប្រព័ន្ធ AVM, MOD, LDW, RDL, i4x4, HSA, HDC, ITC, EBD, Zero-Gravity Seats, i-RVM |
 |
រថយន្ត X-Trail បំពាក់ដោយប្រព័ន្ធ BSW, RCTA, V, HDC, ITC, EBD, Zero-Gravity Seats |
