.jpg)
ឧបរដ្ឋមន្ត្រីការបរទេសសហរដ្ឋអាមេរិកលោកស្រី Wendy R. Sherman។រូបថត ក្រសួងព័ត៌មាន
ភ្នំពេញៈ ឧបរដ្ឋមន្ត្រីការបរទេសសហរដ្ឋអាមេរិកលោកស្រី Wendy R. Sherman គ្រោងនឹងបំពេញទស្សនកិច្ចនៅកម្ពុជា ដែលជាផ្នែកមួយនៃដំណើរទស្សនកិច្ចរបស់លោកស្រីរយៈពេល ១០ ថ្ងៃនៅក្នុងប្រទេសជាច្រើនទៀត។
យោងតាមសេចក្តីប្រកាសព័ត៌មានពីក្រសួងការបរទេសសហរដ្ឋអាមេរិកកាលពីថ្ងៃទី ២១ ខែឧសភាបានឲ្យដឹងថា លោកស្រីនឹងបំពេញទស្សនកិច្ចនេះក្នុងប្រទេសបែលហ្ស៊ិក តួកគី ឥណ្ឌូនេស៊ី ប្រទេសកម្ពុជា ថៃ និងចុងក្រោយរដ្ឋហាវ៉ៃចាប់ពីថ្ងៃទី ២៥ ខែឧសភា ដល់ថ្ងៃទី ៤ ខែមិថុនា។
ក្នុងដំណើរទស្សនកិច្ចនៅអាស៊ីអាគ្នេយ៍ លោកស្រីនឹងបញ្ជាក់ពីការប្តេជ្ញាចិត្តរបស់សហរដ្ឋអាមេរិកចំពោះអាស៊ាន និងដោះស្រាយបញ្ហាទ្វេភាគី និងតំបន់មួយចំនួន ដែលរួមមានទាំងកិច្ចប្រឹងប្រែង ដើម្បីជំរុញឱ្យយោធាប្រទេសមីយ៉ាន់ម៉ាបញ្ឈប់អំពើហិង្សា ដោះលែងអ្នកដែលត្រូវបានឃុំខ្លួនដោយអយុត្តិធម៌ និងស្តារប្រទេសនេះឡើងវិញទៅកាន់មាគ៌ានៃប្រជាធិបតេយ្យ។
ពេលមកដល់កម្ពុជា លោកស្រីនឹងមានជំនួបជាច្រើន។ ប៉ុន្តែមិនទាន់មានព័ត៌មានលម្អិតនោះទេ៕
