ទីក្រុងប្រ៊ុចសែលៈ ប្រធានាធិបតីអាមេរិក លោក ចូ បៃដិន (Joe Biden) នឹងស្វែងរកការគាំទ្រពីសហគមន៍អ៊ឺរ៉ុបនៅថ្ងៃអង្គារនេះ ដើម្បីងើបឡើងតទល់នឹងការកើនឡើងនៃប្រទេសចិន ប៉ុន្តែទីក្រុងប្រ៊ុចសែលចង់បានការបញ្ចប់យ៉ាងឲ្យបានឆាប់នៃជម្លោះ ពាណិជ្ជកម្មដែលកំពុងបន្ត និងការសម្រាកដ៏ស្អាតស្អំពីលោក ដូណាល់ ត្រាំ។
បន្ទាប់ពីភាពរីករាយរបស់អឺរ៉ុបដែលបានកើតឡើង បន្ទាប់ពីការជាប់ឆ្នោតរបស់លោក បៃដិន ប្រធានក្រុមប្រឹក្សាអឺរ៉ុបលោក Charles Michel ដែលតំណាងឲ្យមេដឹកនាំសហភាពអឺរ៉ុបទាំង ២៧ រូប និងជាប្រធានគណៈកម្មការអឺរ៉ុបគឺលោកស្រី Ursula von der Leyen នឹងស្តាប់ការរៀបរាប់របស់លោក បៃដិន សម្រាប់ព័ត៌មានលម្អិតបន្ថែមអំពី «ពាក្យសន្យា« អាមេរិចវិលត្រឡប់មកវិញហើយ (America is back)»។
មន្ត្រីជាន់ខ្ពស់សហភាពអ៊ឺរ៉ុបបាននិយាយកាលពីថ្ងៃច័ន្ទថា ការឈៀងចូលសំចតរយៈពេល ២ ម៉ោងនៅឯទីស្នាក់ការកណ្តាលសហភាពអ៊ឺរ៉ុបដែលស្ថិតនៅរវាងកិច្ចប្រជុំកំពូល អង្គការ NATO និងការជជែករបស់លោកជាមួយប្រធានាធិបតីរុស្ស៊ី Vladimir Putin នៅទីក្រុងហ្សឺណែវនឹងមិនដោះស្រាយអ្វីៗទាំងអស់ទេ ប៉ុន្តែការទូតគឺត្រឡប់មកវិញ។
លោក Eric Maurice នៃមូលនិធិ Schuman បាននិយាយថា បន្ទាប់ពីមានវិបត្តិ ទំនាក់ទំនងអន្តរ អាត្លង់ទិក ក្រោមការដឹកនាំរបស់លោក ត្រាំ ដែលបានចាត់ទុកសហភាពអ៊ឺរ៉ុបជាគូប្រជែងខាងសេដ្ឋកិច្ចដ៏ល្វីងជូរចត់នោះ លោក បៃដិន ចង់“ ដោះស្រាយវិវាទ…ដើម្បីផ្តោតលើអាទិភាពរបស់គាត់គឺប្រទេសចិន» ។
ប្រជាជនអ៊ឺរ៉ុបនឹងព្យាយាមលុបបំបាត់នូវជម្លោះពាណិជ្ជកម្ម ដើម្បីឈានចូលទៅក្នុងដំណាក់កាលមិត្តភាព និងរួមគ្នាដោះស្រាយបញ្ហាផ្សេងៗទៀតដែលរួមបញ្ចូលទាំងការទប់ស្កាត់បច្ចេកវិទ្យាធំ ៗ និងការដោះស្រាយប្រទេសរុស្ស៊ី។
មន្ត្រីអឺរ៉ុបរូបនោះបាននិយាយថា ភាគីទាំងពីរបានប្រឹងប្រែង ដើម្បីស្វែងរកមូលដ្ឋានរួមគ្នាស្តីពីការធ្វើពាណិជ្ជកម្មនៅមុនកិច្ចប្រជុំ និងផ្តល់សញ្ញាច្បាស់ថា ការប្រយុទ្ធនៅសម័យលោក ត្រាំ នឹងស្ថិតនៅពីក្រោយពួកគេ។
ជម្លោះរវាងក្រុមហ៊ុន Airbus របស់អឺរ៉ុប និងក្រុមហ៊ុន Boeing របស់អាមេរិក មានរយៈពេល ១៧ ឆ្នាំដោយភាគីនីមួយៗចោទប្រកាន់គ្នាទៅវិញទៅមកពីបទឧបត្ថម្ភធនដល់ក្រុមហ៊ុនជើងឯកក្នុងស្រុករបស់ពួកគេដោយខុសច្បាប់។ កិច្ចព្រមព្រៀងមួយត្រូវបានគេសង្ឃឹមកើតមានសម្រាប់ខែក្រោយ៕ RR