.jpg)
កសិករវៀតណាមកំពុងស្រោចស្រពដំណាំម្នាស់។ រូបភាព VNS
ទីក្រុងហាណូយៈ ក្រសួងផែនការ និងការវិនិយោគ (MPI) កំពុងព្រាងនូវគោលនយោបាយថ្មីដើម្បីគាំទ្រដល់ការអភិវឌ្ឍន៍សហគ្រាសដែលវិនិយោគក្នុងវិស័យកសិកម្មក្នុងកិច្ចខិតខំ ដើម្បីទាក់ទាញការវិនិយោគចូលទៅក្នុងវិស័យនេះ។
យោងតាមក្រសួង MPI គោលនយោបាយថ្មីត្រូវការ ដើម្បីលើកទឹកចិត្តសហគ្រាស ដើម្បីវិនិយោគក្នុងវិស័យកសិកម្ម និង ជនបទ និងទទួលបានអត្ថប្រយោជន៍នៃកាលានុវត្តភាពថ្មីៗ សម្រាប់ផលិតផលកសិកម្មវៀតណាមស្ថិតក្រោមកិច្ចព្រមព្រៀងពាណិជ្ជកម្មសេរីអឺរ៉ុប-វៀតណាម (EVFTA)។
ការតាក់តែងគោលនយោបាយថ្មី ដែលនឹងជំនួយយន្តការចាស់ និងគោលនយោបាយដែលបានចេញក្នុងឆ្នាំ ២០១៨ ដើម្បីលើកទឹកចិត្តក្រុមហ៊ុនសហគ្រាសទាំងឡាយឲ្យវិនិយោគក្នុងវិស័យកសិកម្ម និង ជនបទ មានបំណងដើម្បីធានានូវអនុលោមភាពជាមួយច្បាប់ដែលទើបចេញថ្មីៗ ដូចជាច្បាប់វិនិយោគសាធារណៈឆ្នាំ ២០១៩ ច្បាប់ស្តីពីការវិនិយោគឆ្នាំ ២០១៩ និង ច្បាប់សហគ្រាសឆ្នាំ ២០២០។
ក្រៅពីនេះ អនុក្រឹត្យថ្មីនេះត្រូវបានគេរំពឹងនឹងជួយដោះស្រាយបញ្ហាដែលកំពុងកើតមានឡើងក្នុងផលិតកម្មកសិកម្ម រួមទាំងការកើនឡើងតម្លៃសាច់ជ្រូកក្នុងស្រុកយ៉ាងខ្លាំងរហូតដល់ពី ៤ ទៅ ៥ ដងខ្ពស់ជាងតម្លៃសាច់ជ្រូកនៅសហរដ្ឋអាមេរិក និង ផលប៉ះពាល់ធ្ងន់ធ្ងរនៃការរីករាលដាលកូវីដ ១៩។
ក្នុងសេចក្តីព្រាងនោះ ក្រសួង MPI វៀតណាមបានព្យាករថា តម្រូវការទុនវិនិយោគក្នុងវិស័យកសិកម្មចន្លោះឆ្នាំ ២០២១ ដល់ ២០២៥ មានចំនួន ១០៧ ពាន់ពាន់លានដុង (៤,៦ ពាន់លានដុល្លារ) ដែលចំនួនទឹកប្រាក់ ៨,៦ ពាន់ពាន់ដុងបានមកពីថវិការដ្ឋ ដើម្បីអនុវត្តគម្រោងប្រមាណ ៨០០។ ទុនវិនិយោគពីថវិការដ្ឋត្រូវបានរំពឹងថាជួយទាក់ទាញប្រហែល ៩ ពាន់ពាន់លានដុងទៀតពីសហគ្រាសដែលវិនិយោគក្នុងវិស័យកសិកម្ម និងជនបទ ពេលដែលដាក់ឲ្យអនុវត្ត៕ VNS-ANN/RR
