.jpg)
យន្តហោះនៃក្រុមហ៊ុនអាកាសចរណ៍ Southwest របស់ប្រទេសអាមេរិក។ រូបភាព AFP
ទីក្រុងវ៉ាស៊ីនតោនៈ ក្រុមហ៊ុនអាកាសចរណ៍ Southwest បានស្តីបន្ទោសទៅលើការកាត់ផ្តាច់ទិន្នន័យអាកាសធាតុ បន្ទាប់ពីការពន្យាការហោះហៅជាង ១៤០០ ជើងនៅទូទាំងសហរដ្ឋអាមេរិកកាលពីថ្ងៃចន្ទ។
សេវាហោះហើរបានចាប់ផ្តើមឡើងវិញត្រឹមព្រឹកព្រលឹមថ្ងៃអង្គារ៍។
ក្រុមហ៊ុនដែលមានមូលដ្ឋាននៅទីក្រុង Dallas ក្នុងរដ្ឋតិចសាស បានលើកឡើងក្នុងសេចក្តីប្រកាសព័ត៌មានរបស់ខ្លួនថា៖ «ក្រុមហ៊ុនភាគីទីបីរបស់យើង ដែលផ្តល់ទិន្នន័យអាកាសធាតុ បានពើបប្រទះសភាពប្រែប្រួលកើតមានឡើងនៅរសៀលនោះ ដែលរារាំងដល់ការឆ្លងកាត់នៃព័ត៌មានអាកាសធាតុ ដែលតម្រូវឲ្យប្រតិបត្តិការយន្តហោះរបស់យើង ដោយសុវត្ថិភាព»។
ក្រុមហ៊ុននេះបានអះអាងថា៖ «យើងឲ្យបញ្ឈប់ការហោះហើរ ដើម្បីការពារសុវត្ថិភាពដល់អតិថិជន និងក្រុមអាកាសយានិករបស់យើង»។
វាមិនច្បាស់ទេថារយៈពេលប៉ុន្មានដែលបញ្ហានេះបានកើតឡើង ប៉ុន្តែអ្នកដំណើរទូទាំងប្រទេសត្រូវបានគេរាយការណ៍ពន្យាជាច្រើនម៉ោង។
យោងតាម Flightaware.com ដែលតាមដានការពន្យាពេលហោះហើមានយន្តហោះក្រុមហ៊ុន អាកាសចរណ៍ Southwest ចំនួន ១ ៤១២ ជើងព្រមទាំង ៤១ ជើងបានលុបចោលការហោះហើរ។
ព្រលានយន្តហោះ Hollywood Burbank នៅក្នុងរដ្ឋកាលីហ្វ័រញ្ញ៉ាបានឲ្យដឹងកាលពីថ្ងៃចន្ទថា «ក្រុមហ៊ុនអាកាសចរណ៍ Southwest បានផ្អាក់ការចេញដំណើរទាំងអស់ពីព្រលានយន្តហោះ Hollywood Burbank ដោយសារបញ្ហាបណ្តាញទិន្នន័យទូទាំងប្រទេស»។
Jonica Booth ជាតារាសម្តែងដែលមានអ្នកគាំទ្រតាមបណ្តាញសង្គម Twitter ជាង ១១ ម៉ឺននាក់បង្ហោះសារលើបណ្តាញសង្គម Tweeter ដែលមានខ្លឹមសារថា Southwest «គួរតែធ្វើអ្វីដែលល្អសម្រាប់អ្នករាល់គ្នាដែល ជើងហោះហើរនៅថ្ងៃនេះ»។
អ្នកនាងបាននិយាយថា៖ «សូមមកមើលព្រលានយន្តឥឡូវនេះ សម្រែកយំ និង អ្វីៗក៏មានដែរ។ ពួកគេទាំងនេះចង់ទៅផ្ទះ»៕ RR
