.jpg)
រទេះរុញឥវ៉ាន់ក្នុងផ្សារទំនើបនៃក្រុមហ៊ុន Morrisons នៅប្រទេសអង់គ្លេស។ រូបភាព AFP
ក្រុងឡុងដ៍ៈ តម្លៃភាគហ៊ុននៅក្រុមហ៊ុន Morrisons ជាសម្ព័ន្ធផ្សារទំនើបចក្រភពអង់គ្លេស បានកើនឡើងកាលពីថ្ងៃចន្ទ បន្ទាប់ខ្លួនបានច្រានចោលវិធីសាស្ដ្រកាន់កាប់តម្លៃ ៥,៥ ពាន់លានផោន (៧,៦ ពាន់លានដុល្លារ ៦,៤ ពាន់លានអឺរ៉ូ) ដោយសារតែទាបខ្លាំងពេក។
តម្លៃភាគហ៊ុនរបស់ក្រុមហ៊ុនមួយនេះ បានកើនឡើងខ្លាំងជិត ១ ភាគ ៣ ដល់ ២៣១,៨០ ផេនស៍ នៅក្នុងការជួញដូរដំបូង បន្ទាប់ពីក្រុមហ៊ុនមួយនេះមិនបានយកចិត្តទុកដាក់លើការដេញថ្លៃសាច់ប្រាក់ដែលមិនបានស្នើសុំពី Clayton, Dubilier & Rice ជាក្រុមហ៊ុនមូលធនឯកជនរបស់អាមេរិកកាលពីចុងសប្ដាហ៍។
តម្លៃភាគហ៊ុនបានកើនឡើងយ៉ាងរហ័សលើកម្រិតតម្លៃដែលដាក់ថ្លៃចំនួន ២៣០ ផេនស៍។
លោក Michael Hewson អ្នកវិភាគនៅក្រុមហ៊ុន CMC Markets បានប្រាប់ទីភ្នាក់ងារព័ត៌មាន AFP ថា៖ «វាទំនងណាស់ ដែលយើងនឹងមើលឃើញការចូលមកដេញថ្លៃផ្សេងទៀតជាមិនខាន»។
តម្លៃភាគហ៊ុនផ្សារទំនើបរបស់ចក្រភពអង់គ្លេសមានតម្លៃកាន់តែតិចក្នុងពេលខ្លះ និងប្រហែលជាអាចថា ការដេញថ្លៃនៅចុងសប្ដាហ៍នេះអាចបង្កើនចំណាប់អារម្មណ៍នៅក្នុងវិស័យទាំងមូល។
លោកលើកឡើងថា៖ «នេះទំនងជានឹងជំរុញតម្លៃទិញភាគហ៊ុនណាមួយកើនឡើងឆ្ពោះទៅវិស័យនេះ ២៥០ ផេនស៍ ប្រសិនបើក្រុមហ៊ុនមូលធនឯកជនទាំងនេះមានភាពប្រាកដប្រជាអំពីការទទួលបានចំណាប់អារម្មណ៍លើវិស័យនេះ»។
ក្រុមហ៊ុន Morrisons បានបង្ហាញព័ត៌មាននេះកាលពីល្ងាចថ្ងៃសៅរ៍ និងបានចេញផ្សាយសេចក្ដីប្រកាសព័ត៌មានរបស់ខ្លួនលើផ្សារហ៊ុនក្រុងឡុងដ៍កាលពីថ្ងៃចន្ទ។
ក្រុមហ៊ុនមួយនេះបានឲ្យដឹងនៅក្នុងសេចក្ដីប្រកាសព័ត៌មាននេះថា៖ «ក្រុមប្រឹក្សាភិបាលរបស់ក្រុមហ៊ុន Morrisons បានវាយតម្លៃសំណើលក្ខខណ្ឌ និងបានសម្រេចជាឯកច្ឆន្ទថា វាបានបន្ទាបតម្លៃក្រុមហ៊ុន Morrisons និងចក្ខុវិស័យនៅពេលអនាគតរបស់ខ្លួនយ៉ាងខ្លាំង»។
សេចក្ដីប្រកាសព័ត៌មានបន្តថា៖ « ក្រុមប្រឹក្សាភិបាលបានបដិសេធសំណើដែលមានលក្ខខណ្ឌនេះកាលពីថ្ងៃទី ១៧ ខែមិថុនាឆ្នាំ ២០២១»។
ក្រុមហ៊ុន Morrisons បានរាយការណ៍កាលពីខែមុនថា ការលក់ក្នុងរយៈពេលដូចគ្នាកាលពីត្រីមាសទី ១ បានកើនឡើង ២,៧ ភាគរយ ដែលមិនរាប់បញ្ចូលប្រេងឥន្ធនៈ។ ការលក់អនឡាញបានកើនឡើង ១១៣ ភាគរយធៀបនឹងរយៈពេលដូចគ្នាកាលពីឆ្នាំមុន៕LA
