Lamborghini Phnom Penh ដែលជាតំណាងចែកចាយពេញសិទ្ធិរបស់ក្រុមហ៊ុន HGB Group Co., Ltd. បានធ្វើបទបង្ហាញអំពីរថយន្ត Huracán STO - Super TrofeoOmologata ជាលើកដំបូងនៅទីក្រុងភ្នំពេញដល់ក្រុមអតិថិជនពិសេសមួយក្រុម។
រថយន្ដស្ព័រទំនើបដែលទទួលបានការអនុញ្ញាតឱ្យបើកបរលើផ្លូវទូទៅ និងដែលត្រូវបានរចនាឡើងដោយផ្អែកតាមរថយន្ដ Huracán Super Trofeo EVO ដែលជារថយន្តមួយក្នុងចំណោមមរតករថយន្ដប្រណាំងប្រភេទរថយន្ដដូចគ្នារបស់ Lamborghini Squadra Corse ក៏ដូចជារថយន្ដ Huracán GT3 EVO ដែលទទួលបានជយលាភីក្នុងការប្រណាំងប្រភេទ Daytona 24 ម៉ោងចំនួន 3 ដង និងទទួលបានជយលាភីក្នុងការប្រណាំងប្រភេទ Sebring 12 ម៉ោងចំនួន 2 ដងផងដែរ។
ជាមួយនឹងម៉ាស៊ីនចំហេះតាមធម្មជាតិ V10 កម្លាំង 640 hp (470 kW) របស់វា ដែលផលិតកម្លាំងបង្វិល 565Nm ក្នុងល្បឿនចលករ 6,500 rpm រថយន្តប៉ុងក្រោយ Huracán STO ផ្តល់នូវសន្ទុះ 0-100 km/h ក្នុងពេលត្រឹម 3.0 វិនាទី និង 0-200 km/h ក្នុងពេលត្រឹម 9.0 វិនាទី ព្រមទាំងមានល្បឿនលឿនបំផុត 310 km/h ។
ដោយប្រើប្រាស់គ្រឿងដែលផលិតចេញពីសារធាតុទំងន់ស្រាល រថយន្ដ Huracán STO ទទេរមានទម្ងន់ត្រឹមតែ 1,339 kg ប៉ុណ្ណោះ និងមានអត្រាសមាមាត្រទំងន់ធៀបកម្លាំងស្មើនឹង 2.09kg/hp។
ប្រសិទ្ធភាពផ្នែកកម្លាំងខ្យល់ ទំងន់ស្រាល ដៃចង្កូតងាយស្រួលបញ្ជា និងសមត្ថភាពប្រព័ន្ធហ្វ្រាំងលំដាប់ទី 1 អាចឱ្យរថយន្ត Huracán STO ធានាបានថា អ្នកបើកបរងាយស្រួលគ្រប់គ្រងរថយន្ដនៅក្នុងការបើកបរគ្រប់ស្ថានភាពផ្លូវទាំងអស់។
ជាពិសេសទម្រង់បើកបរថ្មីចំនួនបីគឺ៖ STO, Trofeo និង Pioggia ដែលផ្តោតលើការបើកបរក្នុងល្បឿនលឿនលើស្ថានភាពផ្លូវលំបាក ត្រូវបានបំពាក់ដើម្បីផ្តល់នូវកម្លាំងស្ទុះ និងអារម្មណ៍ជាប្រភេទរថយន្តប្រណាំង។
«មរតកនៃសមត្ថភាពប្រណាំងដ៏ខ្លាំងរបស់ Lamborghini គឺល្បីល្បាញទូទាំងពិភពលោក។ តាមរយៈការផ្ទេរបច្ចេកវិទ្យារថយន្ដដែលតែងឈ្នះក្នុងការប្រណាំងមកបំពាក់លើរថយន្តស្ព័រទំនើបបើកបរតាមផ្លូវទូទៅ ធ្វើឱ្យរថយន្ត Huracán STO ក្លាយជានិមិត្តរូបពិតៗនៃមរតករបស់ Lamborghini Squadra Corse ដែលផ្តល់នូវភាពរំភើប និងសមត្ថភាពខ្ពស់ក្នុងការបើកបរនៅលើគ្រប់ស្ថានភាពដងផ្លូវទាំងអស់» នេះបើយោងតាមសម្តីរបស់លោក Francesco Scardaoni នាយកប្រចាំតំបន់របស់ Automobili Lamborghini ប្រចាំតំបន់អាស៊ីប៉ាស៊ីហ្វិក។
Huracán STO ថ្មី - ទម្រង់បើកបរ ANIMA ថ្មី 3 ទម្រង់
ទម្រង់បើកបរថ្មីចំនួន 3 បង្ហាញអំពីស្មារតីប្រណាំងរបស់ Huracán STO ដែលផ្តោតលើការបើកបរក្នុងល្បឿនលឿនលើស្ថានភាពផ្លូវលំបាកគឺៈ STO, Trofeo និង Pioggia។
ទម្រង់ STO លំនាំដើម (default) គឺសម្រាប់ការបើកបរលើផ្លូវទូទៅ និងភាពរីករាយនៅលើផ្លូវកោង។ គ្រប់ផ្នែកទាំងអស់នៃប្រព័ន្ធឌីណាមិករបស់រថយន្ដ Lamborghini Veicolo Dinamica Integrata (LDVI) គឺមានលក្ខណៈស័ក្ដិសមបំផុតសម្រាប់គ្រប់ស្ថានភាពផ្លូវ និងគួបផ្សំនឹងការកំណត់លក្ខណៈប្រព័ន្ធបូមទៅតាមស្ថានភាពផ្លូវ។ ប្រព័ន្ធ ESC បែបសកម្មពេញលេញអាចត្រូវបានបិទសម្រាប់ការបើកបរប្រកបដោយភាពរីករាយបំផុត ក្នុងខណៈពេលដែលប្រព័ន្ធនេះនៅតែផ្ដល់ជំនួយដល់អ្នកបើកបរ។
ក្នុងទម្រង់ Trofeo ប្រព័ន្ធទាំងអស់គឺមានលក្ខណៈស័ក្ដិសមបំផុតសម្រាប់ការបើកបរលើស្ថានភាពផ្លូវកៅស៊ូស្ងួតក្នុងល្បឿនលឿនបំផុត។ ប្រព័ន្ធ LDVI ធានានូវសមត្ថភាពបើកបរក្នុងល្បឿនលឿនបំផុតលើស្ថានភាពផ្លូវលំបាកតាមរយៈប្រព័ន្ធបញ្ជូនកម្លាំងបង្វិល និងគ្រប់គ្រងស្ថានភាពរអិលផ្លាតសម្រាប់ការបើកបរលឿនស្ទុះទៅមុខទាំងពីរទម្រង់គឺ ក្នុងទម្រង់ ESC ON ក៏ដូចជាក្នុងទម្រង់ ESC OFF ដើម្បីបើកបរលឿនបំផុតផងដែរ។
ទម្រង់ Pioggia (ពេលភ្លៀង) បង្កើនសមត្ថភាពរបស់ប្រព័ន្ធគ្រប់គ្រងស្ថានភាពរអិលផ្លាត ប្រព័ន្ធបញ្ជូនកម្លាំងបង្វិល ប្រព័ន្ធបត់កង់ក្រោយ និងប្រព័ន្ធ ABS នៅលើផ្លូវកៅស៊ូសើម។ ប្រព័ន្ធគ្រប់គ្រងស្ថានភាពរអិលផ្លាត និងប្រព័ន្ធហ្វ្រាំងត្រូវបានរៀបចំផ្គុំឡើងដោយគណនាវាស់វែងយ៉ាងប្រុងប្រយ័ត្នតាមខ្នាត ដើម្បីកាត់បន្ថយការបាត់បង់ការរអិលផ្លាត និងកាត់បន្ថយកម្លាំងបង្វិលរបស់ម៉ាស៊ីន ដោយប្រព័ន្ធ LDVI ដែលធ្វើការគណនាយ៉ាងសុក្រិត ដើម្បីផ្តល់តែកម្លាំងបង្វិលដែលចាំបាច់ក្នុងស្ថានភាពផ្លូវសើមប៉ុណ្ណោះ។
ប្រព័ន្ធបញ្ជូនកម្លាំងបង្វិលបត់បែនស្ថានភាពខាំស្អិតនៅផ្នែកខាងក្រោម និងធានាបាននូវសមត្ថភាពបត់ចង្អូតបានកាន់តែល្អ ក្នុងខណៈពេលដែលប្រព័ន្ធបូមត្រូវបានរៀបចំឡើង ដើម្បីបង្កើនសមត្ថភាពខាំស្អិតទៅនឹងផ្លូវ និងកែលម្អការផ្ទេរបន្ទុក។
តម្លៃស្នូលរបស់ Lamborghini Squadra Corse
ចាប់ពីពេលដែលម៉ាស៊ីនត្រូវបានបញ្ចេះ គ្រប់ផ្នែកទាំងអស់នៃរថយន្ត Huracán STO ទាំងខាងក្នុង និងខាងក្រៅ ធ្វើឱ្យអ្នកបើកបររថយន្តប្រណាំងរំជួលចិត្ត។ ជាតម្លៃស្នូលរបស់វា រថយន្ត Huracán STO បំពាក់ដោយម៉ាស៊ីនប្រភេទ V10 របស់ Huracán EVO និង Super Trofeo ដែលមានកម្លាំង 640 hp (570 kW) និងកម្លាំងបង្វិល 565 Nm ក្នុងកម្លាំងចលនករ 6,500 rpm។
ជាមួយនឹងការបង្កើនចន្លោះរវាងកង់សងខាង រ៉ងបូមកាន់តែរឹង ប្រព័ន្ធគ្រប់គ្រងលំនឹងដ៏ពិសេស និងប្រព័ន្ធ Magne Ride 2.0 របស់រថយន្ត Lamborghini ធ្វើឱ្យរថយន្ដ STO អាចផ្ដល់នូវអារម្មណ៍ជារថយន្តប្រណាំង ក៏ដូចជាផាសុកភាពក្នុងពេលបើកបរ។
ម៉ាស៊ីននេះត្រូវបានរៀបចំផ្គុំឡើងតាមក្រិតខ្នាតសម្រាប់ការបើកបរក្នុងល្បឿនលឿនជាលក្ខណៈរថយន្ដស្ព័រជាមួយនឹងអារម្មណ៍ងាយស្រួលគ្រប់គ្រងរថយន្ដបំផុត ដោយអាចបញ្ជាល្បឿនបានដូចចិត្ត និងមានសំឡេងកាន់តែណែនក្នុងពេលរោទិ៍ខ្លាំង។ ល្បឿនចូលលេខត្រូវបានបង្កើនបន្ថែម ដើម្បីផ្តល់នូវសមត្ថភាពឆ្លើយតបខ្ពស់ និងប្ដូរលេខបានរហ័ស។
ប្រព័ន្ធបត់កង់ក្រោយរបស់ Lamborghini និងអត្រាសមាមាត្រនៃការបត់ដោយផ្ទាល់ និងថេរកាន់តែខ្ពស់ ត្រូវបានរចនាឡើងសម្រាប់ស្ថានភាពផ្លូវប្រណាំង និងដើម្បីបង្កើនភាពស្និទ្ធស្នាលរវាងអ្នកបើកបរ រថយន្ត និងផ្លូវ, អ្នកបើកបរមានទំនាក់ទំនងដោយផ្ទាល់ទាំងស្រុងជាមួយនឹងផ្លូវតាមរយៈស្ថានភាពប្រែប្រួលនៃចលនារបស់រថយន្តដែលប៉ះនឹងចុងម្រាមដៃរបស់គាត់។
គ្រប់ផ្នែកទាំងអស់នៃមរតក និងបច្ចេកវិទ្យារថយន្ដប្រណាំងរបស់ STO ជួយបង្កើនសមត្ថភាពរបស់រថយន្តក្នុងការបត់ចង្កូតត្រង់ផ្លូវកោងបានកាន់តែលឿន និងបង្កើនសមត្ថភាពកង់ក្នុងការខាំស្អិតជាប់ទៅនឹងផ្លូវនៅពេលលាចង្កូតមកវិញ,Huracán STO គឺជាការបញ្ជាក់ថាការប្រណាំងត្រូវបានឈ្នះនៅត្រង់ចំណុចផ្លូវកោងជាជាងនៅលើផ្លូវត្រង់។
ប្រសិទ្ធភាពនៃប្រព័ន្ធឌីណាមិកខ្យល់ក្នុងការរចនាម៉ូតរបស់រថយន្តស្ព័រ
រថយន្ត Huracán STO សម្រេចបាននូវកម្រិតខ្ពស់បំផុតនៃកម្លាំងក្រាបចុះក្រោមក្នុងចំណោមប្រភេទរថយន្ដនេះ ជាមួយនឹងតុល្យភាពកម្លាំងខ្យល់ដ៏ល្អបំផុតសម្រាប់រថយន្តប៉ុងក្រោយ ដោយមានការបញ្ជូនរបាយបន្ទុកឌីណាមិកខ្យល់ល្អបំផុត ដែលជាកត្តាដ៏សំខាន់ក្នុងការបង្កើនសមត្ថភាពបត់របស់រថយន្ត។
ប្រសិទ្ធភាពនៃលំហូរខ្យល់ជារួមត្រូវបានធ្វើឱ្យប្រសើរឡើង 37% ហើយការបង្កើនកម្លាំងក្រាមចុះក្រោមគួរឱ្យកត់សម្គាល់ចំនួន 53% គឺសម្រេចបានលើ Huracán Performante។
យ៉ាន់ម៉ាញ៉េស្យូមត្រូវបានបំពាក់ជាមួយសំបកកង់ Bridgestone Potenza ប្រណីតដែលអាចប្រើបានជាពីរប្រភេទ, គឺមួយផ្តោតការបើកបរលើផ្លូវទូទៅ និងមួយទៀតផ្តោតលើការបើកបរលើផ្លូវប្រណាំង។
រថយន្ត Huracán STO មានការរចនាផ្នែកខាងក្រៅថ្មីទាំងស្រុង ដោយមានការកែសម្រួលទម្រង់ Lamborghini ដែលមានលក្ខណៈពិសេសមិនអាចចម្លងបានរបស់ខ្លួន ដើម្បីបង្កើនប្រសិទ្ធភាពនៃលំហូរខ្យល់។
លោក MitjaBorkert ប្រធានផ្នែករចនាម៉ូតមានប្រសាសន៍ថា៖ «រថយន្តប្រណាំងតែងតែជាកម្លាំងចិត្តដ៏ខ្លាំងក្លាសម្រាប់ការរចនារបស់យើងខ្ញុំ។ រថយន្ត Huracán STO បង្ហាញអំពីការផ្ទេរបច្ចេកវិទ្យាពីរថយន្តប្រណាំង Huracán ដ៏ជោគជ័យរបស់យើងខ្ញុំ នៅក្នុងគ្រប់ចំណុចទាំងអស់នៃសោភ័ណភាព»។
គ្រប់ផ្នែកទាំងអស់នៃរថយន្ត Huracán STO គឺផ្តោតទៅលើប្រសិទ្ធភាពឌីណាមិកខ្យល់ និង បច្ចេកវិទ្យា ទម្ងន់ស្រាលដែលត្រូវការចាំបាច់នៅក្នុងវិស័យរថយន្តស្ព័រ។ Huracán STO ប្រកាន់ខ្ជាប់នូវគោលការណ៍រចនាដែល Lamborghini តែងតែអនុវត្ត កាន់តែមានសុពលភាពសម្រាប់រថយន្តបើកបរលើផ្លូវទូទៅដែលយកលំនាំចេញពីប្រភេទរថយន្ដប្រណាំង។
Huracán STO គឺជាលទ្ធផលនៃកិច្ចសហការរវាងផ្នែកស្រាវជ្រាវ និងអភិវឌ្ឍន៏ (R&D) របស់ Lamborghini, Squadra Corse និង Centro Stile ដែលមានសោភ័ណភាពប្រណិតល្អឥតខ្ចោះនៅគ្រប់ចំណុច ខណៈដែលត្រូវបានកែលម្អបន្ថែមដើម្បីធានាបាននូវសមត្ថភាពបើកបរបានយ៉ាងល្អបំផុត។
ផ្នែកខាងក្នុងនៃរថយន្ត Huracán STO ឆ្លុះបញ្ចាំងពីលក្ខណៈស្រាលពិសេសនៃផ្នែកខាងក្រៅ,ការប្រើប្រាស់លក្ខណៈពិសេសនៃសសៃកាបូនក្នុងកាប៊ីនអ្នកបើកបរទាំងមូល រួមទាំងកៅអីបែបស្ព័រដែលផលិតពីសរសៃកាបូនទាំងស្រុង។ ផ្នែកខាងក្នុង Alcantara មាន Carbonskin របស់ Lamborghini។ កំរាលព្រំត្រូវបានយកចេញ រួចជំនួសទៅដោយកម្រាលបាតធ្វើពីសរសៃកាបូន និងបន្ទះទ្វារស្រាលផលិតពីសរសៃកាបូនដែលមានដៃទ្វារសម្រាប់បើក។
ប្លុកខាងក្រោយមានកៅអីអង្គុយចំនួនបួន និងមានប្រអប់ខាងមុខរចនាថ្មីសម្រាប់រក្សាទុកមួកសុវត្ថិភាពដែលបញ្ជាក់អំពីស្មារតីប្រណាំងរបស់ Huracán STO។ កាតាប៊ូកង់ខាងក្រោយដែលត្រូវបានបង្កើតឡើងដោយសហការជាមួយដៃគូបច្ចេកទេសរបស់យើងគឺ Akrapovič ត្រូវបានផលិតចេញពីលោហៈអាលុយមីញ៉ូមទីតានីញ៉ូមកម្រិតខ្ពស់។ វាស្រាលជាងកាតាប៊ូខាងក្រោយដែលជាដែកអ៊ីណុកធម្មតាដល់ទៅ 40%។
លក្ខណៈពិសេសក្រាហ្វិច Human Machine Interface (HMI) ថ្មីនៅលើអេក្រង់ touch screen របស់ Huracán ដែលគ្រប់គ្រងមុខងាររបស់រថយន្តរួមមាន ភ្លើងសញ្ញាទម្រង់បើកបរ (drive mode indicator) ប្រព័ន្ធ LDVI សម្ពាធកង់ និងសីតុណ្ហភាពហ្វ្រាំង។ ប្រព័ន្ធស្ទង់តេទ្បេមេទ្រីដែលបានភ្ជាប់យ៉ាងពេញលេញនឹងចលនារថយន្ត អាចឱ្យអ្នកបើករថយន្ត Huracán STO នៅលើផ្លូវប្រណាំងដើម្បីតាមដាន និងកត់ត្រាដំណើការបើកបររថយន្តរបស់ពួកគេ និងវិភាគទិន្នន័យតាមរយៈកម្មវិធី Lamborghini UNICA ។
ម្ចាស់រថយន្ត Huracán STO អាចមានរៀបចំជាលក្ខណៈផ្ទាល់ខ្លួនទាំងផ្នែកខាងក្រៅ និងផ្នែកខាងក្នុងនៃរថយន្តប្រណាំងតាមដងផ្លូវរបស់ខ្លួនតាមរយៈកម្មវិធីរចនាម៉ូតផ្ទាល់ខ្លួន Ad Personam ដ៏សម្បូរបែបដោយមានថ្នាំលាបពណ៌មិនកំណត់ និងការបន្សំតម្រឹមក៏ដូចជាថ្នាំលាបវែនីស្ទីលបែបរថយន្ដប្រណាំង។
គំនិតច្នៃប្រឌិតផ្ទាល់ខ្លួនគឺមាននៅក្នុងការរចនាម៉ូតរបស់ Huracán STO តួយ៉ាងដូចជារថយន្តប្រណាំង Huracán Super Trofeo ដែលតម្រង់ជួរទៅតាមពណ៌ និងម៉ូតរចនាពិសេសៗរបស់ខ្លួននៅលើទីតាំងចាប់ផ្ដើមការប្រណាំង។ ការដាក់ចេញនូវរូបគំនូរលើរថយន្តដ៏ទាក់ទាញនៃ Blu Laufey និង Arancio California គឺជាគំរូនៃស្មារតីប្រណាំងបែបកីឡា និងយុវភាពរបស់ Huracán STO ។
អតិថិជនដំបូងនឹងទទួលបានការចែកចាយរថយន្ត Lamborghini Huracán STO ថ្មីនៅក្នុងត្រីមាសទី 3 ឆ្នាំ 2021៕
សម្រាប់ព័ត៌មានបន្ថែមសូមទាក់ទង Lamborghini ភ្នំពេញតាមរយៈទូរស័ព្ទ:+855 (0) 95 666 591