.jpg)
អគារស្នាក់ការអាជ្ញាធររូបិយវត្ថុសិង្ហបុរី។ AFP
សិង្ហបុរីៈ ធនាគារកណ្តាលសិង្ហបុរីបានរឹតត្បិតគោលនយោបាយរូបិយវត្ថុរបស់ខ្លួនជាលើកដំបូងក្នុងរយៈពេល ៣ ឆ្នាំដែលជាសកម្មភាពចុងក្រោយ ដើម្បីប្រឆាំងនឹងអតិផរណា ពេលដែលសេដ្ឋកិច្ចដែលវាយប្រហារដោយការរីករាលដាលវីរុសកូរ៉ូណា រៀបចំបើកឡើងវិញ ចំពេលច្រវ៉ាក់ផ្គត់ផ្គង់បន្តរាំងស្ទះ។
ធនាគារិកនៃធនាគារកណ្តាលនៅក្នុងពិភពលោកកំពុងរៀបចំប្រព័ន្ធផ្លូវល្អរវាងការគាំទ្រដល់ការងើបឡើងវិញនៃសេដ្ឋកិច្ចជាមួយនឹងលក្ខខណ្ឌហិរញ្ញវត្ថុងាយស្រួល ខណៈពេលដែលការពារការកើនឡើងតម្លៃរយៈពេលវែង។
ការសម្រេចដោយអាជ្ញាធររូបិយវត្ថុសិង្ហបុរី (MAS) កើតមានពេលដែលសេដ្ឋកិច្ចប្រទេសនេះកើនឡើង ៦,៥ ភាគរយក្នុងត្រីមាសទី ៣ ធៀបរយៈពេលដូចគ្នានៃឆ្នាំមុន។ នេះផ្អែកតាមលទ្ធផលប៉ាន់ស្មានបឋម ដែលពង្រីកការងើបឡើងវិញរបស់ប្រទេសនេះពីការធ្លាក់ចុះដ៏អាក្រក់បំផុតកាលពីឆ្នាំមុន ដោយសារការរីករាលដាលវីរុស។
ប្រទេសសិង្ហបុរីបានរៀបចំយុទ្ធរស់ជាមួយវីរុសដោយការបង្កើនការចាក់វ៉ាក់សាំងដល់ប្រជាជនរបស់ខ្លួនដែលរហូតមកដល់ពេលនេះមានប្រជាជន ៨៥ ភាគរយបានទទួលវ៉ាក់សាំង ពេលដែលប្រទេសនេះបើកសកម្មភាពសេដ្ឋកិច្ចឡើងវិញ និងបន្ធូរបន្ថយការធ្វើដំណើរសម្រាប់អ្នកដែលបានចាក់វ៉ាក់សាំងរួច។
អតិផរណាបានកើនឡើងទូទាំងពិភពលោក ពេលដែលច្រវ៉ាក់ផ្គត់ផ្គង់ប្រឹងតស៊ូ ដើម្បីបំពេញតម្រូវការដែលចេះតែកើនឡើង បណ្តាលឱ្យធនាគារកណ្តាលដូចជានៅក្នុងប្រទេសនូវែល សេឡង់ និង កូរ៉េខាងត្បូង រឹតបន្តឹងគោលនយោបាយរូបិយវត្ថុ។
លោក Song Seng Wun អ្នកសេដ្ឋកិច្ចប្រចាំតំបន់ជាមួយធនាគារឯកជន CIMB បាននិយាយថា ការសម្រេចរបស់ MAS គឺជាការឆ្លើយតបទៅនឹងក្តីកង្វល់ដែលថា អតិផរណាប្រហែលហក់ឡើងទូរទាំងសកលលោករយៈពេលវែងជាងអ្វីដែលនឹងត្រូវបានគិតគួរ។
លោកបានប្រាប់ AFP ថា៖ «សម្រាប់ប្រទេសសិង្ហបុរីដែលនាំចូលអ្វីៗគ្រប់សព្វចាប់ពីចំណីអាហារនៅលើតុរហូតដល់ស្បែកជើង វាជៀសមិនរួចទេ អត្រាផ្តូរប្រាក់រឹងមាំត្រូវការ ដើម្បីទប់ស្កាត់អតិផរណាឱ្យបានច្រើនតាមដែលអាចធ្វើទៅបាន»។
លោកបានបន្ថែមថា រឿងនេះកាន់តែសំខាន់ ពេលដែលសេដ្ឋកិច្ចត្រូវបានរំពឹងថា បន្តរីកលូតលាស់ដល់ឆ្នាំក្រោយជាមួយការបើកចំហបន្ថែមទៀត ហើយការធ្វើដំណើរទទួលបានការបន្ថែមល្បឿន៕ RR
