ជំងឺរាតត្បាតសកល កូរ៉ូណា បានបង្កឱ្យពលរដ្ឋកម្ពុជាជាច្រើនគ្រួសារ បាននិងកំពុងខ្វះខាតស្បៀងអាហារ។ ក្នុងនាមវិស័យឯកជន ធនាគារឈីហ្វ បានបន្តចូលរួមផ្តល់អំណោយសប្បុរសធម៌ ដល់សមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ដើម្បីចូលរួមចំណែកគាំទ្រដល់ប្រតិបត្តិការប្រយុទ្ធប្រឆាំងជំងឺកូវីដ១៩។ តាមរយៈសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ដែលបាននិងកំពុងធ្វើសកម្មភាពមនុស្សធម៌យ៉ាងល្អប្រពៃនេះ ធនាគារ ឈីហ្វ មានកិត្តិយសឧបត្ថម្ភអង្ករផ្កាម្លិះចំនួន ២៤០ បាវ ត្រីខកំប៉ុងចំនួន ២០០ យួរ មីម៉ាម៉ាចំនួន ២០០ កេស ទឹកត្រី ២០០ យួរ និង ម៉ាស់ចំនួន ៥ ០០០ ម៉ាស់ ដែលមានតម្លៃសរុបចំនួន ៤៥១៤.៧១ ដុល្លារ។ សកម្មភាពមនុស្សធម៌នេះបានធ្វើឡើងកាលពីថ្ងៃទី ១៣ ខែឧសភា ឆ្នាំ ២០២១ នៅការិយាល័យកណ្តាលរបស់ធនាគារ ឈីហ្វ ក្នុងខណ្ឌដូនពេញ។ មន្ដ្រីតំណាងសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) បានសម្ដែងនូវក្ដីសោមនស្សរីករាយចំពោះអំណោយសប្បុរសធម៌នេះ៕ photo SUPPLIED