ប្រតិបត្តិករម្ហូបអាហារ និងភេសជ្ជៈ (F&B) បានរៀបចំកម្មវិធីសប្បុរសធម៌ កាលពីសប្តាហ៍មុន ដើម្បីជួយដល់ប្រជាពលរដ្ឋដែលរងផលប៉ះពាល់ដោយជំងឺកូវីដ ១៩។ កម្មវិធីសប្បុរសធម៌នេះ មានការចូលរួមពីសំណាក់ក្រុមចុងភៅ និងអ្នកស្ម័គ្រចិត្តពីបណ្ដាភោជនីយដ្ឋាន និងសណ្ឋាគារ ដោយមានការធ្វើម្ហូបចំនួន ៤០០ ប្រអប់ សម្រាប់ចែកជូនដល់បងប្អូនដែលខ្វះខាតស្បៀងអាហារ។ ពិធីសប្បុរសធម៌នោះ ទទួលបានការយាងជាព្រះអធិបតីដ៏ខ្ពង់ខ្ពស់របស់សម្តេចរាជបុត្រី នរោត្តម អរុណរស្មី។ កម្មវិធីសប្បុរសធម៌នេះដឹកនាំដោយលោក លូ ម៉េង ដែលជាប្រធានសហព័ន្ធទេសចរណ៍កម្ពុជា និងជានាយកប្រតិបត្តិនៃក្រុមហ៊ុនបដិសណ្ឋារកិច្ចអលមិនគ្រុប៕ photo SUPPLIED