.jpg)
លោក Manny Pacquiao និងលោក Rodrigo Duterte ប្រធានាធិបតីហ្វីលីពីន។ រូបថត AFP
ក្រុមដែលស្និទ្ធនឹងសមាជិកព្រឹទ្ធសភាហ្វីលីពីន និងជាកីឡាករប្រដាល់ដ៏ល្បីលោក Manny Pacquiao បានព្យាយាមទម្លាក់លោកប្រធានាធិបតីហ្វីលីពីនលោក Rodrigo Duterte ចេញពីប្រធានក្រុមប្រឹក្សាភិបាលគណបក្សប្រជាធិបតេយ្យហ្វីលីពីនអំណាចប្រជាជន ឬគេច្រើនតែស្គាល់ថា PDP-Laban។
កាលពីថ្ងៃអាទិត្យ កន្លងទៅ ក្រុមរបស់ Pacquiao បានបោះឆ្នោតជ្រើសរើសលោក Aquilino "Koko" Pimentel III ដែលជាអតីតប្រធានគណបក្ស និងកូនប្រុសរបស់ស្ថាបនិកគណបក្សកាន់អំណាចមួយនេះ ធ្វើជាប្រធានក្រុមប្រឹក្សាភិបាល ដោយទម្លាក់លោក Duterte ចេញ។
ឆ្លើយតបនឹងសកម្មភាព ដូច្នេះក្រុមរបស់លោក Duterte បានចេញសេចក្ដីថ្លែងការណ៍មួយ ដោយនៅទទួលស្គាល់លោក Duterte ជាប្រធានក្រុមប្រឹក្សាភិបាលដដែល ហើយហៅក្រុមលោក Pacquiao ថាជាក្រុមចង់បានតែចំណាប់អារម្មណ៍។
ព្រឹត្តិការណ៍នេះកើតឡើង ក្រោយពេលដែលក្រុមដែលស្និទ្ធនឹងលោក Duterte បានទម្លាក់លោក Pacquiao ចេញពីតំណែងប្រធានគណបក្សកាលពីខែកក្កដា កន្លងទៅនេះ៕
ហ៊ីម រដ្ឋា
