The Phnom Penh Post Search

Search form

Logo of Phnom Penh Post newspaper Phnom Penh Post - ប្រធាន ​EU ធ្វើដំណើរ​ទៅ​ចិន ខណៈ​មានការ​បង្ក្រាប​ការតវ៉ា​

ប្រធាន ​EU ធ្វើដំណើរ​ទៅ​ចិន ខណៈ​មានការ​បង្ក្រាប​ការតវ៉ា​

Content image - Phnom Penh Post
ប្រធាន​សហភាព​អឺរ៉ុប (EU) លោក Charles Michel បានធ្វើ​ដំណើរ​ទៅកាន់​ទីក្រុង​ប៉េកាំង កាលពី​ថ្ងៃ​អង្គារ ដើម្បីជួប​ជាមួយ​ប្រ​ធានា​ធិបតី លោក ស៊ី ជីន​ភីង។ រូបថត AFP

ប្រធាន ​EU ធ្វើដំណើរ​ទៅ​ចិន ខណៈ​មានការ​បង្ក្រាប​ការតវ៉ា​

ប្រធាន​សហភាព​អឺរ៉ុប (EU) លោក Charles Michel បានធ្វើ​ដំណើរ​ទៅកាន់​ទីក្រុង​ប៉េកាំង កាលពី​ថ្ងៃ​អង្គារ ដោយ​រក្សា​ផែនការ​ជួប​ជាមួយ​ប្រ​ធានា​ធិបតី លោក ស៊ី ជីន​ភីង ទោះបី​ជាមាន​ភាពចលាចល​ពី​ការតវ៉ា​ទ្រង់ទ្រាយ​ធំ ក្នុង​ទីក្រុង​ធំៗ​របស់​ប្រទេស​ចិន​ប្រឆាំងនឹង​ការ​រឹតបន្តឹង​ទប់ស្កាត់​ការឆ្លង​​រាលដាល​នៃ​ជំងឺ​កូ​វីដ​ ១៩ ក្តី​។​

​នៅ​ព្រឹក​ថ្ងៃ​អង្គារ ស្ថាប័ន​សន្តិសុខ​កំពូល​របស់​ប្រទេស​ចិន​ដែលជា​គណៈកម្មការ​កិច្ចការ​​នយោបាយ និង​ច្បាប់​មជ្ឈិម​​បក្ស​កុម្មុយនីស្ត ដែល​កំពុង​កាន់អំណាច បាន​អំពាវនាវ​ឱ្យមាន​ការបង្ក្រាប​លើ​ការតវ៉ា​។​

​ប៉ុន្តែ លោក Michel ប្រធាន​ក្រុមប្រឹក្សា​អឺរ៉ុប ដែល​តំណាងឱ្យ​រដ្ឋាភិបាល​រដ្ឋ​ជា​សមាជិក EU ទាំង ២៧ បាន​ប្រកាន់ខ្ជាប់​ផែនការ​របស់លោក ដើម្បី​ជំរុញ​ឱ្យ​លោក ស៊ី ប្រើប្រាស់​ឥទ្ធិពល​របស់គាត់​លើ​ទីក្រុង​ម៉ូស្គូ ដើម្បី​ប្រឆាំងនឹង​សង្គ្រាម​របស់​រុស្ស៊ី​នៅ​អ៊ុយ​ក្រែ​ន​។ «​លោក​Charles Michel ត្រូវបាន​អញ្ជើញ​ដោយ​លោក​ប្រធានាធិបតី ស៊ី​។ នៅពេលដែល​នរណាម្នាក់ ត្រូវបាន​អញ្ជើញ​ដោយ​ប្រ​ធានា​ធិ​តី​ចិន តើ​នរណាម្នាក់​និយាយថា ទេ​!»? នេះ​ជាស​ម្ដី​ពី​មន្ត្រី​អឺរ៉ុប​ម្នាក់​។​

​លោក Michel ក៏​នឹង​ស្វះស្វែង​ដើម្បី​ពិភាក្សា​អំពី​ទំនាក់ទំនង​ពាណិជ្ជកម្ម ដោយ​រដ្ឋធានី​របស់​ EU បាន​បែងចែក​វិធីសាស្ត្រ ដើម្បី​ទំនាក់ទំនង​ជាមួយ​ប្រទេស​​ចិន និង​ទីក្រុង​វ៉ាស៊ីនតោន ដែល​ជំរុញ​ឱ្យ​សម្ព័ន្ធមិត្ត​លោកខាងលិច​របស់ខ្លួន នៅ​ឱ្យ​ឆ្ងាយ​។ លោក បាន​ទៅដល់​ទីក្រុង​ប៉េកាំង នៅ​ថ្ងៃ​ពុធ ហើយ​ជួប​លោក​ស៊ី នៅ​ថ្ងៃ​ព្រហស្បតិ៍ មុនពេល​ពិភាក្សា​ជាមួយ​នាយករដ្ឋមន្ត្រី​ចិន​។​

​សប្តាហ៍​មុន អគ្គិភ័យ​បានកើត​ឡើង​បណ្តាលឱ្យ​មនុស្ស​ស្លាប់​នៅ​ទីក្រុង Urumqi រដ្ឋធានី​នៃ​តំបន់​ភាគ​ពាយព្យ​នៃ​ខេត្ត​ស៊ីន​ជាំ​ង គឺជា​កត្តា​ជំរុញឱ្យមាន​រលក​នៃ​កំហឹង ដោយ​អ្នក​តវ៉ា​បាន​ដើរ​តាម​ដងផ្លូវ​ក្នុង​ទីក្រុង​នានា ជុំវិញ​ប្រទេស​ចិន​។​

​ទីក្រុង​ប៉េកាំង គឺជា​សេដ្ឋកិច្ច​ដ៏​សំខាន់​ចុងក្រោយ នៅតែ​ត្រូវ​បិទ​ខ្ទប់​យ៉ាង​តឹងរ៉ឹង ដើម្បី​គ្រប់គ្រង​ការឆ្លង​រីក​រាលដាល​នៃ​ជំងឺ​កូ​វីដ​ ១៩៕

អត្ថបទគួរចាប់អារម្មណ៍