.jpg)
ប៉ូលិសប៉ាគីស្ថានមួយក្រុមឃុំខ្លួនបុគ្គលិកភោជនីយដ្ឋាន ១៩ នាក់ ដោយសារគ្មានប៊ឺហ្គ័រឥតគិតថ្លៃ។ AFP
ក្រុងអ៊ីស្លាម៉ាបាដ៖ មន្ដ្រីប៉ូលិសមួយក្រុមក្នុងប្រទេសប៉ាគីស្ថាន មានការខឹងសម្បាយ៉ាងខ្លាំង ពេលហាងលក់អាហារខ្ចប់មួយបដិសេធមិនផ្ដល់ប៊ឺហ្គ័រឥតគិតថ្លៃ ដោយបានឃុំខ្លួនបុគ្គលិកទាំងអស់ ១៩ នាក់។
បុគ្គលិកនៅហាងសម្ព័ន្ធ Johnny & Jugnu នៅភាគខាងកើតទីក្រុងឡាហ័រ ត្រូវបានឃាត់ខ្លួន និងបង្ឃាំង ៧ ម៉ោង ពេញមួយរាត្រីកាលយប់ថ្ងៃសៅរ៍ ដែលធ្វើឱ្យគ្មានអ្នកចម្អិនម្ហូប និងភ្ញៀវស្រែកឃ្លាន។
សម្ព័ន្ធអាហារសម្រន់ទាន់ចិត្ដ បានឱ្យដឹងក្នុងសេចក្ដីថ្លែងការណ៍ចុះផ្សាយតាមបណ្ដាញសង្គមថា៖ «នេះមិនមែនជាលើកដំបូង ដែលមានហេតុការណ៍បែបនេះកើតឡើងចំពោះក្រុមការងារនៅភោជនីយដ្ឋានរបស់យើង តែយើងគ្រាន់តែធ្វើឱ្យប្រាកដថា វាជាលើកចុងក្រោយបំផុតហើយ»។
សម្រែកឡូឡាបានចាប់ផ្ដើម នៅពេលបុគ្គលិកនៅភោជនីយដ្ឋានបដិសេធតាមសំណើរបស់ភ្ញៀវពិសេសស័ក្ដិធំម្នាក់។ បុគ្គលិកភោជនីយដ្ឋាន បានប្រាប់ AFP ថា បុគ្គលិកត្រូវបានចាប់ខ្លួនភាគច្រើន គឺជាយុវជនក្មេងៗ រួមទាំង និស្សិតសាកលវិទ្យាល័យផងដែរ។
បុគ្គលិកនៅហាងសម្ព័ន្ធ Johnny & Jugnu នៅភាគខាងកើតទីក្រុងឡាហ័រ ត្រូវបានឃាត់ខ្លួន។
ក្រោយមានកំហឹងចំណោមអ្នកគាំទ្រ មន្ដ្រីប៉ូលិស ៩ នាក់ ដែលពាក់ព័ន្ធនឹងការចាប់ខ្លួននេះ ត្រូវបានបញ្ឈរជើងកាលពីម្សិលមិញ។ នេះ បើយោងតាមមន្ដ្រីប៉ូលិសជាន់ខ្ពស់ខេត្ដ អ៊ីណាម ហ្គានី បានឱ្យដឹងនៅលើ Twitter។
ហ្គានី បាននិយាយថា៖ «គ្មាននរណាម្នាក់ត្រូវបានអនុញ្ញាតអង្គុយលើច្បាប់ឡើយ»។
ក្រុមមន្ដ្រីប៉ូលិសប៉ាគីស្ថានរមែងមានរឿងអាសោចចំពោះទង្វើពុករលួយ ហើយជំនាញកោសរូសចាប់ផ្ដើមកើតឡើងពីមុខជំនួញក្នុងស្រុក។
នាយករដ្ឋមន្ដ្រីប៉ាគីស្ថាន អ៊ីមរ៉ាម ខាន់ បានអំពាវនាវឱ្យមានការកែទម្រង់កងកម្លាំងប៉ូលិសពុនចាប ដោយបាននិយាយថា កងកម្លាំងពិសេសត្រូវបានតែងតាំងដោយអ្នកនយោបាយដើម្បីគ្រប់គ្រងស្ថានីយប៉ូលិសនីមួយៗ៕ AFP/HR
រូបតំណាង៖ អតិថិជននៅហាងអាហារទាន់ចិត្តមួយ នៅប្រទេសប៉ាគីស្ថាន។ AFP
