ក្រុងព្រុចសែល៖ ជាមួយតួឯកស៊ីមពីរដែលមានកម្លាំងពិសេសដ៏អាថ៌កំបាំង វីដេអូហ្គេមប្រភេទថ្មី «Life is Strange» ឬជីវិតពិតជាចម្លែក កំពុងទទួលបានការចាប់អារម្មណ៍ទៅលើតួអង្គ LGBTQ។
មិនខុសពីវីដេអូហ្គេមដ៏មានប្រជាប្រិយភាពក្នុងវគ្គមុនៗ «Life is Strange: True Colors» អនុញ្ញាតឱ្យអ្នកលេងបង្កើតទំនាក់ទំនងស្នេហាភេទដូចគ្នានៅពេលពួកគេធ្វើដំណើរឆ្លងកាត់ទីក្រុងតូចអាមេរិកដ៏មានអបិយជំនឿ។
អ្នកនិពន្ធ ចុន ហ្ស៊ីមមើម៉ាន់នៃ Nine Deck Games ជាស្ទូឌីយូអាមេរិកដែលផលិតហ្គេម « True Colors»បានប្រាប់ AFP ថា៖ «យើងពិតជាចង់បន្តការផ្ដោតទៅលើរឿងរ៉ាវតួអង្គស្រឡាញ់ភេទដូចគ្នានៅក្នុងវីដេអូហ្គេម «Life is Strange»។
ហ្គេមថ្មីចុងក្រោយនេះជាដំណើររឿងរបស់ អេឡិច ចាន់ជានារីកូនកាត់អាស៊ី-អាមេរិកវ័យក្មេងម្នាក់ ដែលមានសមត្ថភាពពិសេសក្នុងការដឹងពីចិត្ដអ្នកដទៃ ពេលនាងស៊ើបអង្កេតការស្លាប់របស់បងប្រុសនៅលើភ្នំកូឡូរ៉ាដូ។
ដូចហ្គេមមុនៗ ដែលត្រូវបានកែសម្រួលដាក់បញ្ចាំងក្នុងកម្មវិធីទូរទស្សន៍ហ្គេមរំលេចនូវបទភ្លេងសហសម័យ មានបទភ្លេងប្រជាប្រិយប៉ុប គំនូរពណ៌ស្លេកនិងចង្វាក់ភ្លេងទន់ភ្លន់។
ហ្គេមបានទទួលការកោតសរសើរយ៉ាងខ្លាំងចំពោះសាច់រឿងបែបមនោសញ្ចេតនា ចាប់តាំងពីឆ្នាំ ២០១៥ នៅពេលស្ទូឌីយូបារាំង Dontnod ផលិតវគ្គដំបូងដែលលក់ដាច់ជាង ៣ លានដុំ។
«True Colors» គឺជាហ្គេមខ្នាតវែងទី ៤ នៅក្នុងវគ្គតែមួយ ដែលត្រូវបានគេសរសើរចំពោះការរើសប្រភេទតួអង្គនៅទូទាំងសហគមន៍LGBTQ ។
ម៉ៃតូរ៉ាសអ្នកអភិវឌ្ឍហ្គេមដែលមានមូលដ្ឋាននៅទីក្រុងប៊ុយណូស៊ែលជាអ្នកបង្កើតគេហទំព័រអ្នកគាំទ្រទាក់ទងនឹងវីដេអូហ្គេមភាគនេះ បាននិយាយថា៖ «ទៅវិលកាន់ឆ្នាំ ២០១៥ ខ្ញុំមុខខុសពីកង្កែបក្នុងអណ្ដូងឡើយ។ ហ្គេម «Life Is Strange»បានជួយខ្ញុំយ៉ាងច្រើនក្នុងការសម្រេចបាននូវរឿងមួយចំនួនអំពីខ្លួនខ្ញុំ»។
Twitch ជាប្រភេទវីដេអូហ្គេមអនឡាញធំបំផុតរបស់ពិភពលោកបាននិងកំពុងពុះពារទស្សនៈនៃ «ការស្អប់ខ្ពើម» ការរើសអើងអ្នកស្រឡាញ់ភេទដូចគ្នា ជាតិសាសន៍និងការរំលោភបំពានផ្លូវភេទ។
ហើយខណៈស្ទូឌីយូនានាកំពុងព្យាយាមផ្ដោតសំខាន់លើភាពសម្បូរបែបនៅក្នុងហ្គេមរបស់ពួកគេ ក្រុមអ្នកវិភាគនិយាយថាក្រុមអភិវឌ្ឍហ្គេមទាំងនេះ នៅតែជាបុគ្គលស្បែកស អ្នកស្រឡាញ់ភេទផ្ទុយគ្នា និងបុរសដដែល។
លោក ម៉ាល័រ បាននិយាយថា៖«យើងនៅតែស្ថិតក្នុងឧស្សាហកម្មរងការរើសអើងខ្លាំងឬអាចជាការរើសអើងជាតិសាសន៍ ពិការភាព ហើយវាមិនងាយទេក្នុងការធ្វើសមាហរណកម្មមនុស្សដែលត្រូវគេមិនផ្ដល់ភាពសំខាន់»៕ AFP/RS