លោក​សាស្ដ្រាចារ្យ សំបូរ ម៉ាណ្ណារ៉ា សព្វថ្ងៃ​លោក​ជា​អនុប្រធាន​ដេប៉ាតឺម៉ង់​ប្រវត្តិសាស្រ្ត​នៃ​សាកលវិទ្យាល័យ ភូមិន្ទភ្នំពេញ និង​ជា​ប្រធាន​កម្មវិធី​សិក្សា​អំពី​ខ្មែរ​របស់​សាកលវិទ្យាល័យ បញ្ញាសាស្រ្ត។ ក្រៅពី​កិច្ចការងារ​បង្រៀន មក​ទល់​ពេល​នេះ លោក​សាស្ត្រាចារ្យ បាន​ដឹកនាំ​និស្សិត​របស់​គាត់​ជាច្រើន​នាក់​ចុះ​ជួយ​សហគមន៍​នៅ កម្ពុជា​តាំងពី​ឆ្នាំ​២០០០​មកម្ល៉េះ។ ភាគច្រើន​លោក​ធ្វើការ​ជាមួយ​និស្សិត​សាកលវិទ្យាល័យ​បញ្ញាសាស្រ្ត កម្ពុជា បន្ទាប់មក​សាកលវិទ្យាល័យ​ភូមិន្ទភ្នំពេញ និង​មាន​សិស្សនិស្សិត​ច្រើន​សាកលវិទ្យាល័យ​ទៀត​ដែល​បាន​ចូលរួម​ជាមួយ​លោក​។ ក្នុង​អាជីព​ជា​អ្នក​បង្រៀន​អស់​រយៈពេល​ប្រមាណ​៣៦​ឆ្នាំ​នេះ លោក​សាស្រ្តាចារ្យ​បាន​បង្រៀន​សិស្ស​ក្នុង​ចន្លោះ​ពី ៨​ម៉ឺន​ទៅ ១០​ម៉ឺន​នាក់ ហើយ​លោក​បាន​ជួយ​ប្រជាពលរដ្ឋ​ក្នុង​សហគមន៍​បាន​ប្រមាណ​ជាង​៥​ម៉ឺន នាក់​ហើយ​រហូត​មក​ដល់​សព្វថ្ងៃ។