ភ្នំពេញ៖ ក្រសួងសុខាភិបាលបានប្រកាសពីរកឃើញអ្នកឆ្លងវីរុសកូវីដ ១៩ ចំនួន ៨១២ នាក់បន្ថែមទៀត ដែលធ្វើឱ្យអ្នកឆ្លងក្នុងប្រទេសកម្ពុជា បានកើនឡើងដល់ជិត ៧ ម៉ឺននាក់ហើយ និងមានអ្នកជាសះស្បើយចំនួន ៧៤០ នាក់ ប៉ុន្តែក៏បានរកឃើញអ្នកស្លាប់ដោយសារជំងឺនេះចំនួន ១៩ នាក់បន្ថែមទៀតផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២១ ខែកក្កដានេះ បានឱ្យដឹងទៀតថា អ្នកដែលបានរកឃើញមានវិជ្ជមានវីរុសកូវីដ ១៩ នេះ មានករណីឆ្លងក្នុងសហគមន៍ចំនួន ៥៣៣ នាក់ និងអ្នកដំណើរពីបរទេសចំនួន ២៧៩ នាក់។
គិតត្រឹមព្រឹកថ្ងៃទី ២១ ខែ កក្កដា ឆ្នាំ ២០២១ នេះ ប្រទេសកម្ពុជា មានអ្នកកើតជំងឺកូវីដ ១៩ សរុបរហូតដល់ ៦៩ ៦០៨ នាក់ អ្នកជាសះស្បើយសរុបចំនួន ៦១ ៧៧៩ នាក់ និងអ្នកស្លាប់បានកើនឡើងដល់ ១ ១៦៨ នាក់ផងដែរ៕