.jpg)
លោកស្រី ឱ វណ្ណឌីន យកអំណោយលោកនាយករដ្ឋមន្ត្រី ផ្តល់ជូនលោកយាយវ័យជាង១០០ឆ្នាំ ដែលស្ម័គចិត្តចាក់វ៉ាក់សាំងបង្ការវីរុសកូវីដ១៩។
កំពង់ចាមៈ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល បាននាំយកថវិកា ចំនួន ៣ លានរៀល និងសម្ភារជាគ្រឿងឧបភោគបរិភោគជូនលោកតាអាយុ ១០៤ ឆ្នាំ នាព្រឹកថ្ងៃទី ២៧ ខែកក្កដានេះ ដែលរស់នៅនៅភូមិពោធិ៍ ឃុំស្វាយពោធិ៍ ស្រុកស្រីសន្ធរ ដែលបានស្ម័គ្រចិត្តចូលរួមចាក់វ៉ាក់សាំងបង្ការជំងឺកូវីដ ១៩។
បើតាមលោកស្រី ឱ វណ្ណឌីន មកដល់ពេលនេះ មានមនុស្សដែលមានវ័យពី ១០០ ឆ្នាំឡើងចំនួន ២១ នាក់ហើយ ដែលបានស្ម័គ្រចិត្តចាក់វ៉ាក់សាំងបង្ការវីរុសកូវីដ ១៩។
អំណោយដ៏ថ្លៃថ្លារបស់លោកនាយករដ្ឋមន្រ្តី ហ៊ុន សែន ដែលផ្តល់ជូនលោកតា អាយុ ១០៤ ឆ្នាំរួមមាន ថវិកាចំនួន ៣ លានរៀល មី ០៨ កេស ត្រីខ ០១ កេសធំ ទឹកសុទ្ធ ០២ កេស អង្ករ ០៤ បេ ទឹកត្រី ០២ យួរ និងប្រេងឆា ០២ ដប។
នៅថ្ងៃម្សិលមិញ លោកស្រី ឱ វណ្ណឌីន ក៏បានផ្តល់ជូនថវិកា និងសម្ភារដូចគ្នានេះ ជូនដល់លោកតា លោកយាយចំនួន ៣ រូបផងដែរ ដែលមានអាយុ ១០០ ឆ្នាំជាង នៅក្នុងខេត្តកណ្តាល និងរាជធានីភ្នំពេញ៕
