ភ្នំពេញៈ ក្រសួងសុខាភិបាលប្រកាសរកឃើញអ្នកឆ្លងវីរុសកូវីដ ១៩ បន្ថែមទៀតជាង ៧០០ នាក់ ខណៈមានអ្នកជាសះស្បើយជិត ១ ០០០ នាក់ ប៉ុន្តែមានអ្នកស្លាប់ ១៥ នាក់នាថ្ងៃនេះ។
សេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ២៨ ខែកក្កដានេះ បានឱ្យដឹងថា ក្រសួងបានរកឃើញអ្នកឆ្លងជំងឺកូវីដ ១៩ ថ្មីបន្ថែមទៀត ចំនួន ៧៦៦ នាក់ និងមានអ្នកជាសះស្បើយចំនួន ៩៦៧ នាក់។ អ្នកដែលត្រូវបានរកឃើញឆ្លងកូវីដថ្មីនេះមានការឆ្លងក្នុងសហគមន៍ចំនួន ៤៥៩ នាក់ និងអ្នកដំណើរមកពីបរទេសចំនួន ៣០៧ នាក់។
គិតត្រឹមព្រឹកថ្ងៃទី ២៨ ខែ កក្កដា ឆ្នាំ ២០២១ ប្រទេសកម្ពុជា មានអ្នកឆ្លងវីរុសកូវីដ ១៩ សរុបកើនឡើងរហូតដល់ចំនួន ៧៥ ១៥២ នាក់ អ្នកជាសះស្បើយសរុបចំនួន ៦៧ ៦៩២ នាក់ និងអ្នកស្លាប់បានកើនឡើងដល់ ១ ៣៣៩ នាក់៕