.jpg)
ក្រុមគ្រូពេទ្យរៀបចំបញ្ជូនសាកសពអ្នកស្លាប់ដោយសារជំងឺកូវីដទៅបូជា នាពេលកន្លងមក។ រូបថត រដ្ឋបាលខេត្តព្រះវិហារ ហេង ជីវ័ន
ភ្នំពេញៈ ក្រសួងសុខាភិបាលបានរកឃើញមនុស្សចំនួន ១២ នាក់បន្ថែមទៀត បានស្លាប់ដោយសារជំងឺកូវីដ ១៩ និងមានអ្នកឆ្លងវីរុសជំងឺនេះជាង ៦០០ នាក់បន្ថែមទៀត ខណៈមានអ្នកជាសះស្បើយជិត ៥០០ នាក់។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ១២ ខែកញ្ញានេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ចំនួន ៦៦២ នាក់ទៀត និងមានអ្នកជាសះស្បើយបន្ថែមចំនួន ៤៩៣ នាក់។ អ្នកដែលបានរកឃើញឆ្លងនេះមានករណីឆ្លងក្នុងសហគមន៍ចំនួន ៤៨២ នាក់ និងអ្នកដំណើរពីបរទេសចំនួន ១៨០ នាក់។
គិតត្រឹមព្រឹកថ្ងៃទី ១២ ខែ កញ្ញា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ៩៩ ៥០៤ នាក់ អ្នកជាសះស្បើយសរុបចំនួន ៩៣ ៩០៤ នាក់ និងអ្នកស្លាប់សរុបបានកើនឡើងរហូតដល់ ២ ០៤០ នាក់៕
