ភ្នំពេញៈ មនុស្សចំនួន ៩ នាក់បន្ថែមទៀតបានស្លាប់ ដោយសារជំងឺកូវីដ ១៩ និងបានរកឃើញអ្នកឆ្លងថ្មីបន្ថែមជាង ៦០០ នាក់ និងមានអ្នកជាសះស្បើយជិត ៦០០ នាក់ផងដែរ។
យោងតាមសេចក្តីប្រកាសរបស់ក្រសួងសុខាភិបាលនៅថ្ងៃទី ១៤ ខែកញ្ញានេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ចំនួន ៦៥៧ នាក់ និងជាសះស្បើយចំនួន ៥៧៨ នាក់។អ្នកដែលមានវិជ្ជមានដែលរកឃើញថ្មីនេះ មានករណីឆ្លងក្នុងសហគមន៍ចំនួន ៥០៤ នាក់ និងអ្នកដំណើរពីបរទេសចំនួន ១៥៣ នាក់។
គិតត្រឹមព្រឹកថ្ងៃទី ១៤ ខែ កញ្ញា ឆ្នាំ ២០២១ ប្រទេសកម្ពុជា មានអ្នកឆ្លងជំងឺកូវីដសរុបចំនួន ១០០ ៧៩០ នាក់ អ្នកជាសះស្បើយសរុបចំនួន ៩៤ ៩០៤ នាក់ និងអ្នកស្លាប់បានកើនឡើងដល់ ២ ០៥៨ នាក់៕