ភ្នំពេញៈ ក្រសួងសុខាភិបាលបានរកឃើញមនុស្សជាង ២៥ នាក់បន្ថែមទៀត បានស្លាប់ដោយសារជំងឺកូវីដ ១៩ និងមានអ្នកឆ្លងវីរុសកូវីដ ១៩ ជាង ២០០ នាក់បន្ថែមទៀត ខណៈមានអ្នកជាសះស្បើយជាង ៣០០ នាក់។
យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី ១៤ ខែ តុលា ឆ្នាំ ២០២១ នេះ បានឱ្យដឹងថា ក្រសួងបានរកឃើញអ្នកឆ្លងវីរុសកូវីដ ១៩ ចំនួន ២៦៨ (PCR) នាក់ទៀត និងមានអ្នកជាសះស្បើយបន្ថែមចំនួន ៣៥៩ នាក់។ អ្នកដែលបានរកឃើញឆ្លងនេះមានករណីឆ្លងសហគមន៍ចំនួន ២៤៤ នាក់ និងអ្នកដំណើរពីបរទេសចំនួន ២៤ នាក់។
គិតត្រឹមព្រឹកថ្ងៃទី ១៤ ខែ តុលា ឆ្នាំ ២០២១ កម្ពុជាមានអ្នកឆ្លងវីរុសកូវីដ ១៩ សរុបទូទាំងប្រទេសចំនួន ១១៥ ៨៧៥ នាក់ អ្នកជាសះស្បើយសរុបចំនួន ១០៩ ៥៦៦ នាក់ និងអ្នកស្លាប់សរុបបានកើនឡើងរហូតដល់ ២ ៥៨៤ នាក់៕