.jpg)
គ្រូពេទ្យចាក់វ៉ាក់សាំងដូសជំរុញប្រជាពលរដ្ឋក្នុងខណ្ឌមានជ័យ កាលពីម្សិលមិញ។ ហេង ជីវ័ន
ភ្នំពេញៈ គិតត្រឹមថ្ងៃទី ១៤ ខែតុលា អ្នកដែលបានចាក់វ៉ាក់សាំងបង្ការជំងឺកូវីដ ១៩ ចាប់ពីអាយុ ១៨ ឆ្នាំឡើងទៅមានជាង ៩,៩ លាននាក់ ឬស្មើនឹង ៩៩ ភាគរយ បើធៀបនឹងចំនួនប្រជាជនគោលដៅ ១០ លាននាក់។ នេះបើយោងតាមរបាយការណ៍របស់គណៈកម្មការចំពោះកិច្ចចាក់វ៉ាក់សាំងកូវីដ ១៩ ក្នុងក្របខ័ណ្ឌទូទាំងប្រទេស។
របាយការណ៍បានឱ្យដឹងថា កុមារ និងយុវវ័យអាយុចាប់ពី ១២ ឆ្នាំទៅដល់ក្រោម ១៨ ឆ្នាំ ដែលបានចាក់វ៉ាក់សាំងបង្ការជំងឺកូវីដ ១៩ មានចំនួនជាង ១,៧ លាននាក់ ឬស្មើនឹង ៩០ ភាគរយ បើធៀបនឹងចំនួនគោលដៅជាង ១ ,៩ លាននាក់ ខណៈកុមារអាយុពី ៦ ឆ្នាំដល់ក្រោម ១២ឆ្នាំ ដែលបានចាក់វ៉ាក់សាំងនេះមានជាង ១,៨ លាននាក់ ឬស្មើ ៩៧ ភាគរយ ធៀបនឹងចំនួនគោលដៅជាង ១,៨ លាននាក់។
ប៉ុន្តែបើធៀបចំនួនប្រជាជនសរុបទាំង ១៦ លាននាក់ អ្នកដែលបានចាក់វ៉ាក់សាំងមានចំនួន ៨៤ ភាគរយ។ នេះបើតាមរបាយការណ៍ដដែល៕
