.jpg)
ការធ្វើតេស្ដរកមេរោគកូវីដ១៩នៅភ្នំពេញ កាលពីពេលកន្លងមក ។ ហុង មិនា
ភ្នំពេញៈ ក្រសួងសុខាភិបាលកម្ពុជាប្រកាសរកឃើញអ្នកឆ្លងជំងឺកូវីដ ១៩ ចំនួន ៤ នាក់បន្ថែមទៀត តែគ្មានអ្នកជាសះស្បើយថ្មីនោះទេ ហើយក៏មិនមានអ្នកស្លាប់ដោយសារជំងឺនេះដែរ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី ២៩ ខែមករា បានឱ្យដឹងថា ក្រសួងរកឃើញអ្នកមានជំងឺកូវីដ ១៩ ចំនួន ៤ នាក់បន្ថែមទៀត ជាករណីឆ្លងក្នុងសហគមន៍ សុទ្ធតែប្រភេទអូមីក្រុងទាំងអស់។ ក្រសួងបញ្ជាក់ថា របាយការណ៍ថ្ងៃនេះ មិនមានអ្នកជាសះស្បើយ និងអ្នកស្លាប់នោះដែរ។
បើតាមក្រសួងសុខាភិបាល គិតត្រឹមថ្ងៃទី ២៩ ខែមករា ចំនួនករណីឆ្លងជំងឺកូវីដ ១៩ សរុបកើនដល់ចំនួន ១៣៨ ៦៨៩ នាក់ ចំណែកករណីជាសះស្បើយសរុប ១៣៥ ៦២១ នាក់ និងករណីស្លាប់សរុប ៣ ០៥៦ នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤៤ នាក់ និងករណីអូមីក្រុងឆ្លងក្នុងសហគមន៍កើនដល់ ១៦ ៨៦១ នាក់៕
