ការផ្សព្វផ្សាយល្បែងស៊ីសងតាមអនឡាញ តាមរយៈការសារផ្ញើទៅលេខទូរស័ព្ទរបស់ប្រជាពលរដ្ឋ។ ភ្នំពេញប៉ុស្តិ៍
អ្នកនាំពាក្យក្រសួងមហាផ្ទៃ លោក ទូច សុខៈ បានអះអាងថា ក្នុងរយៈពេល ៧ ថ្ងៃគិតចាប់ពីពេលដែលលោក ស សុខា រដ្ឋមន្ត្រីក្រសួងមហាផ្ទៃបានចេញសារាចរហាមមិនឲ្យផ្សព្វផ្សាយល្បែងស៊ីសង សមត្ថកិច្ចបានធ្វើសកម្មភាពសកម្មភាពយ៉ាងសកម្ម ហើយចាប់ពីថ្ងៃទី១១នេះតទៅ អ្នកល្មើសនឹងប្រឈមនឹងវិធានការច្បាប់។
ថ្លែងប្រាប់ភ្នំពេញប៉ុស្តិ៍នៅថ្ងៃទី១១ ខែធ្នូនេះលោក ទូច សុខៈ បញ្ជាក់ដូច្នេះថា៖ «តាំងពីចេញសារាចរណែនាំនេះមក យើងសង្កេតឃើញជាក់ស្ដែងថា បងប្អូនដែលពាក់ព័ន្ធទាំងអស់បានអនុវត្តបានច្រើនអាចថាពី៨០ទៅ៩០ភាគរយ។ ក្នុងពេលនេះ បងប្អូនកងកម្លាំងនគរបាលជាតិតាមរដ្ឋបាលដែនដីបានធ្វើសកម្មភាពចុះណែនាំជាក់ស្ដែងចំពោះអ្នកដែលពាក់ព័ន្ធ»។
លោកបន្តថា៖ «ផុតឱសានវាទនេះ ការងាររបស់សមត្ថកិច្ចនឹងធ្វើបន្តទៅលើបុគ្គលទាំងឡាយណាដែលប្រព្រឹត្ត។ បើប្រព្រឹត្តជាលក្ខណៈបុគ្គលដែលយើងឃើញជាក់ស្ដែង យើងនឹងកសាងសំណុំរឿងនៅអាចនៅត្រឹមដំណាក់កាលសមត្ថកិច្ច ឬអាចឈានដល់តុលាការ។
ចំពោះគេហទំព័រ ឬបណ្ដាញសង្គមដែលបង្កើតដើម្បីប្រព្រឹត្តល្បែងស៊ីសងនេះ យើងនឹងរៀបចំជារបាយការណ៍ជាក់លាក់ និងសហការជាមួយក្រសួងប្រៃសណីយ៍ និងទូរគមនាគមន៍ដើម្បីបិទវិបសាយ ឬបណ្ដាញសង្គមទាំងនោះ»។
យ៉ាងណាក៏ដោយ លោកបញ្ជាក់ថា រដ្ឋមន្ត្រីក្រសួងមហាផ្ទៃនឹងពិនិត្យលើរបាយការណ៍អនុវត្តសារចរនេះ និងសម្រេចថាតើវិធានការបន្ទាប់នឹងធ្វើអ្វីបន្តទៀត ហើយនៅថ្ងៃទី១១ ខែធ្នូនេះ មិនទាន់មានរបាយការណ៍អំពីវិធានការច្បាប់លើបុគ្គលណាមួយនោះទេ។
កាលពីកន្លងទៅ ការផ្សព្វផ្សាយល្បែងស៊ីសង ត្រូវបានគេសង្កេតឃើញមានទាំងនៅលើបណ្ដាញសង្គមនិងនៅក្នុងសង្គម ដូចជាការផ្សព្វផ្សាយតាមរយៈរ៉ឺម៉កទុក-ទុក និងតាមរយៈការផ្ញើរសារតាមលេខទូរស័ព្ទ។
លោក ប៉ិច ពិសី នាយកប្រតិបត្តិអង្គការតម្លាភាពកម្ពុជា យល់ឃើញថា ការហាមមិនឲ្យមានការផ្សព្វផ្សាយល្បែងអនឡាញនេះជារឿងល្អ។
លោកថាអ្វីដែលរឹតតែសំខាន់គឺការការអនុវត្តក្នុងការទប់ស្កាត់និងតាមដានថាតើការទប់ស្កាត់នេះមានប្រសិទ្ធភាពឬអត់។
លោកថា៖ «បើយើងមានតម្រុយថាមានការប្រព្រឹត្តល្បែងអនឡាញផ្សេងៗ យើងត្រូវអនុវត្តច្បាប់ឲ្យមានប្រសិទ្ធភាពដើម្បីធានាបានថា អ្នកធ្វើរឿងខុសច្បាប់ត្រូវតែប្រឈមមុខជាមួយច្បាប់។ ដូច្នេះ គឺផ្សំគ្នារវាងការផ្សព្វផ្សាយអប់រំ និងការ៕
