មណ្ឌលគិរី: ចាប់តាំងពីផ្តើមការសាកល្បងនៃគម្រោងអភិរក្សកាលពីឆ្នាំ ២០១២ មក តំបន់សហគមន៍អេកូទេសចរណ៍អណ្តូងក្រឡឹង ឬ ជំរំសត្វទោចញី (Jahoo Gibbon Camp) ដែលលាតសន្ធឹងនៅលើផ្ទៃដីជាង ១៤០០ ហិកតា និងចម្រុះទៅដោយបណ្តុំនៃទេសភាពរុក្ខជាតិធម្មជាតិប្រភេទព្រៃពាក់កណ្តាលស្រោង សត្វព្រៃច្រើនប្រភេទនៃខេត្តមណ្ឌលគិរី នោះកំពុងទាក់ទាញចំណាប់អារម្មណ៍ ក្រុមទេសចរបរទេសមកទស្សនា នារដូវប្រាំង ហើយនេះក៏ជាក្តីរំពឹងនៃការស្រោចស្រង់ និងការអភិរក្សផងដែរ។
