វត្ថុបុរាណខ្មែរចំនួន ៥ ក្នុងចំណោមជាង ១០០ ប្រភេទធ្វើពីថ្មភក់ និងសំរឹទ្ធ ត្រូវបានដឹកតាមយន្តហោះពីអង់គ្លេសមកដល់កម្ពុជាវិញហើយកាលពីល្ងាចថ្ងៃទី ២៩ ខែកញ្ញាឆ្នាំនេះ បន្ទាប់ពីមានកិច្ចព្រមព្រៀងជាមួយភាគីអ្នករក្សាទុក និងកំពុងរក្សាទុកនៅសារមន្ទីរជាតិភ្នំពេញ ដើម្បីរង់ចាំរៀបចំពិធីប្រគល់ទទួល។ នេះបើតាមលោក ហាប់ ទូច អ្នកនាំពាក្យក្រសួងវប្បធម៌ និងវិចិត្រសិល្បៈ។