អ៊ុយក្រែនបង្ហើបថា ចំនួនអ្នកស្លាប់ដោយសារសង្គ្រាមដែលជាជនស៊ីវិលអ៊ុយក្រែនមានប្រមាណ ៩ ០០០ នាក់ ដែលក្នុងនោះ ៤៥៣ នាក់ គឺជាកុមារ។

ជំនួយការប្រធានាធិបតីអ៊ុយក្រែន លោក Andriy Yermak កាលពីថ្ងៃទី ១៧ ខែមករា បានប្រាប់ឱ្យដឹងថា នៅឯវេទិកាសេដ្ឋកិច្ចពិភពលោក (WEF) នាទីក្រុង Davos ប្រទេសស្វ៊ីសថា អ៊ុយក្រែនបានរកឃើញរឿងក្ដីឧក្រិដ្ឋកម្មច្រើនរហូតដល់ ៨០ ០០០ ករណី ដែលប្រព្រឹត្តដោយទាហានរុស្ស៊ី។ អ៊ុយក្រែន នឹងមិនលើកលែងទោស ចំពោះទង្វើដែលបង្កើតឱ្យមានទុក្ខវេទនានេះជាដាច់ខាត ហើយរុស្ស៊ីនឹងត្រូវទទួលខុសត្រូវ»។