សៀមរាប: អ្នក​ចូលចិត្ត​ធ្វើ​លំហាត់​ប្រាណ​សុខភាព​តាម​បែប​យោគៈ​​ជាង​មួយ​ពាន់​នាក់​នឹង​ត្រៀម​ខ្លួន​ចូលរួម​​​ព្រឹត្តការណ៍​ប្រារព្ធ «ទិវា​អន្តរជាតិ​យោគៈ» នៅលើ​វាល​ស្មៅ​ពណ៌​បៃតងខ្ចី​មុខ​ប្រាសាទ​អង្គរវត្ត​ដែល​ជា​គោល​ដៅ​ទេសចរណ៍​ទី​១ ​នៅ​តំបន់​អាស៊ី​ ទី២ ​នៅ​លើ​ពិភព​លោក​នា​ព្រឹក​ព្រលឹម​ស្រាងៗ​ក្នុង​ថ្ងៃអាទិត្យ​នេះ ខណៈ​នៅ​ឯ​រាជធានី​ភ្នំពេញ​ក្រុម​អ្នក​ហាត់​យោគៈ​នឹង​ជួបជុំ​គ្នា​នៅ​ទីលាន​មុខ​ព្រះ​បរមរាជវាំង​នាពេល​ល្ងាច​ម៉ោង ១៧ និង ៣០ នាទី។